اۋدان باسشىسىنىڭ ايتۋىنشا, الەۋمەتتىك جۇمىس ورىندارى بويىنشا سەگىز ايدا 139 ادام شارۋا قوجالىقتارى مەن جەكە كاسىپكەرلەرگە جۇمىسقا جولداندى. «جاستار تاجىريبەسى» بويىنشا 72 جاس مامان جولدانىپ, ولاردىڭ 13-ءى تۇراقتى جۇمىسقا ورنالاستى. «ديپلوممەن اۋىلعا» باعدارلاماسى اياسىندا جىل باسىنان بەرى 98 مامان سۇرانىس بەرسە, سەگىز ايدا سونىڭ 69-ىنا 10,9 ملن تەڭگە كوتەرمە جاردەماقى جانە 40 ادامعا 124,3 ملن تەڭگە بيۋدجەتتىك نەسيە بەرىلدى. سۇرانىسقا سايكەس 29 مامانعا 90 ملن تەڭگەدەي قارجى قاجەت.
جىل باسىنان بەرى ءۇش رەت بوس جۇمىس ورىندارىنىڭ جارمەڭكەسى وتكىزىلىپ, 166 ادامنىڭ 126-سى جۇمىس ورنىن تاپتى. سونىمەن بىرگە 27 مۇگەدەك جۇمىسقا ورنالاستى. كۇنى بۇگىن 257 ادام جۇمىسسىز رەتىندە تىركەلىپ, جۇمىسسىزدىق دەڭگەيى 1 پايىزدى قۇراپ وتىر.
ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنا سايكەس بارلىق كوزدەلگەن جۇمىستار ۋاقتىلى اتقارىلۋدا.
ايتا كەتەيىك, بيىلعى اۋدان بيۋدجەتى 6 ملرد 669 ملن تەڭگە كولەمىندە بەكىتىلسە, كەيىن ناقتىلاۋ بارىسىندا 7 ملرد 955 ملن تەڭگەگە جەتتى. سەگىز ايدا 803,4 ملن تەڭگە سالىق ءتۇسىپ, جوسپار 98,9 پايىزعا ورىندالدى. ونەركاسىپ ءونىمىنىڭ كولەمى 1313,8 ملن تەڭگەگە جەتسە, نەگىزگى قارجىعا جەتى ايدا 640,8 ملن تەڭگە ينۆەستيتسيا قوسىلدى.
ەكونوميكاسى مال شارۋاشىلىعىنا نەگىزدەلگەن اۋداندا ءىرى قارا 83,1 مىڭ, ۇساق مال 257,7 مىڭ, جىلقى 32,0 مىڭ باسقا جەتتى. «سىباعا» مەملەكەتتىك باعدارلاماسى بويىنشا بيىل 7 شارۋا قوجالىعى 153,4 ملن تەڭگە, «قۇلان» باعدارلاماسى بويىنشا 3 شارۋا قوجالىعى 95,0 ملن تەڭگە نەسيەگە قول جەتكىزدى. قازىرگى تاڭدا اۋدان بويىنشا ءىرى قارا وسىرەتىن 30, جىلقى مالىن - 6, قوي وسىرەتىن 2 اسىل تۇقىمدى شارۋاشىلىقتار بار. بيىلعى جىلدىڭ اياعىنا دەيىن ءار اۋىلدىق وكرۋگتە مال بورداقىلايتىن كووپەراتيۆ قۇرۋ باعىتىندا جۇمىستار جۇرگىزىلۋدە.
