ونىڭ مالىمدەۋىنشە, بۇل جەرگە كوشەتتەر ەمەس ۇزىندىعى 6-7 مەترلىك ۇلكەن اعاشتار كوشەنىڭ ەكى جاعىن بويلاي وتىرعىزىلادى.
«ساۋلەت جوباسىنىڭ يدەياسىنا سايكەس الاڭدا دەكوراتيۆتى الما اعاشتارىنىڭ باعى وتىرعىزىلادى. الما اعاشتارى اللەياسى قالا تۇرعىندارىنىڭ جينالاتىن سۇيىكتى ورنىنا اينالادى دەپ سەنەمىز. ويتكەنى, اعاشتار گۇلدەگەن كەزدە بۇل جەردە كەرەمەت كورىنىس بولادى. ايتا كەتۋ كەرەك, اعاشتار جەمىس بەرمەيدى», دەدى رومان شنايدەرمان.
پانفيلوۆ كوشەسىندە قازىر ورىندىقتار, ءتۇرلى ارحيتەكتۋرالىق پىشىندەر قويىلعان. كوشە شامدارى جاڭارتىلعان. وتكەن عاسىردىڭ 30 جىلدارى توسەلگەن ەسكى كەسپە تاستار دا تاريحي مۇرا رەتىندە جولعا توسەلگەن.
پانفيلوۆ كوشەسىنىڭ بويىمەن قابانباي باتىر كوشەسىنەن باستاپ جىبەك جولىنا دەيىنگى ارالىقتا دەمالاتىن ورىندار, سپورت جانە بالالار الاڭدارى, اباتتاندىرىلعان ۆەلوجولدار پايدا بولعان. سونداي-اق, جاياۋ جۇرگىنشىلەر جولىندا قۇرعاق سۋبۇرقاقتار ىسكە قوسىلعان. ارىق جۇيەلەرى جاڭارتىلىپ, بارلىق ينجەنەرلىك ينفراقۇرىلىم الماستىرىلدى. كوشە اشىلعالى بەرى بۇل جەردە تۇرعىندار, قوناقتار دەمالىستارىن وتكىزىپ ءجۇر. الا جازداي جۇرگىزىلگەن جۇمىستاردىڭ ارقاسىندا قالانىڭ تاريحي ورتالىعىنىڭ 1/3 بولىگى قايتا جاڭعىرتىلدى.
قالا بيلىگى بۇل ماقساتتا 8 ملرد تەڭگە جۇمساعان.
