ء«بىزدىڭ ورتالىق جىلدىڭ سوڭىنا دەيىن بىرنەشە جوبانى ىسكە اسىرعالى جاتىر. سونىڭ ىشىندەگى ەلەۋلى جۇمىستاردىڭ ءبىرى - قازاقستاننىڭ كيەلى جەرلەرىنىڭ ەنتسيكلوپەدياسىن جارىققا شىعارۋ. جالپى باعدارلامانىڭ ءوزى وزدەرىڭىزگە ءمالىم, 2017-2021 جىلدارعا ارنالعان. سوندىقتان, ءار جىلى ەنتسيكلوپەديانىڭ ءبىر-ءبىر تومىن شىعارامىز دەگەن جوسپارىمىز بار. سونىڭ بيىلعى تومى استانا قالاسى, اقمولا مەن الماتى وبلىسىنا ارنالعان. قازىر ارنايى توپ قۇرىلىپ, جۇمىس باستالىپ كەتتى. مىنە, استانا مەن الماتى قالالارى بويىنشا توپ جەتەكشىلەرى بەكىتىلدى. ءبىر-ەكى ايدا وسى جۇمىستى بىتىرسەك, العاشقى بولىپ, قازاقستاننىڭ قاسيەتتى جەرلەرىنىڭ ەنتسيكلوپەدياسىنىڭ ءبىرىنشى تومى شىعادى. سونىمەن قاتار, بيىلعى جىلدىڭ اياعىنا دەيىن قاسيەتتى جەرلەر تۋرالى روليكتەر تاراتىلادى. اتاپ ايتقاندا, نەلىكتەن ول جەر قاسيەتتى, نەسىمەن ەرەكشەلەنەدى - ءبىزدىڭ جوبانىڭ باستى ماقساتى وسى سۇراقتارعا جاۋاپ ىزدەيدى. اڭىزداردىڭ سىرىنا ۇڭىلۋگە تىرىسامىز», - دەيدى بەرىك ابدىعالي وكق-دا وتكەن ءباسپاسوز ءماسليحاتى بارىسىندا.
ەسكە سالا كەتسەك, بۇگىن «قاسيەتتى قازاقستان» عىلىمي-زەرتتەۋ ورتالىعىنىڭ جەتەكشىسى بەرىك ابدىعالي «رۋحاني جاڭعىرۋ» باعدارلاماسىن جۇزەگە اسىرۋ ماقساتىندا قازاقستاننىڭ كيەلى جەرلەرىن انىقتاۋ جۇمىسى جۇرگىزىلىپ جاتقانىن مالىمدەگەن بولاتىن. بۇگىنگى كۇنگە دەيىن ەلىمىزدە جالپىۇلتتىق دەڭگەيدەگى 100 جانە جەرگىلىكتى ماڭىزى بار 500 كيەلى ورىن تاڭدالىپ الىنىپ, ولار ارنايى ءتىزىم جوباسىنا ەنگىزىلگەن.
