ۇلتتىق بانكى توراعاسىنىڭ ءباسپاسوز جانە تەلەۆيزيالىق باق-تىڭ باس رەداكتورلارىمەن كەزدەسۋى ءوتتى, ونىڭ بارىسىندا دانيار اقىشەۆ كەزدەسۋگە قاتىسۋشىلاردىڭ سۇراقتارىنا جاۋاپ بەردى, سونداي-اق سىرتقى نارىقتارداعى جاعداي, ءىجو جانە ينفلياتسيا دەڭگەيى تۋرالى ايتىپ بەردى.
«قازىرگى ۋاقىتتا سىرتقى نارىقتارداعى جاعداي جاعىمدى بولىپ وتىر. مۇناي باعاسى ءبىر باررەل ءۇشىن 50 اقش دوللارىنان جوعارى دەڭگەيدە قالىپتاسىپ وتىر. وڭ فاكتور رەتىندە, سونداي-اق, ساۋدا-ارىپتەس ەلدەردىڭ - رەسەي مەن قىتايدىڭ ەكونوميكالارىنىڭ ءوسۋى مەن ورنىقتى دامۋىن اتاپ وتكىم كەلەدى», دەدى د. اقىشەۆ.
ول قازاقستان ەكونوميكاسىنىڭ 3 جىل باياۋلاۋدان كەيىن ءوسىم كورسەتىپ وتىرعانىن اتاپ ءوتتى. ءبىرىنشى جارتىجىلدىقتا ءىجو ناقتى 4,2%-عا ءوستى. ۇلتتىق بانكتىڭ بولجامى بويىنشا, 2017 جىلى ەكونوميكالىق ءوسۋ قارقىندارى 3%-عا جۋىق بولادى.
«ينفلياتسيا باياۋلاۋىن جالعاستىرۋدا - وتكەن جىلدىڭ وسىنداي كەزەڭىندەگى 5,4%-بەن سالىستىرعاندا اعىمداعى جىلدىڭ 8 ايىندا 3,9%. تامىزدىڭ قورىتىندىسى بويىنشا جىلدىق ينفلياتسيا 7%-عا (2016 جىلعى جەلتوقساندا - 8,5%) دەيىن تومەندەپ, 2017 جىلعا ارنالعان 6-8% نىسانالى ءدالىزدىڭ ورتاسىندا تۇر. 2018 جىلى دا ءبىز ينفلياتسيانىڭ 5-7% نىسانالى دالىزدە بولۋىن كۇتەمىز», - دەپ تۇسىنىكتەمە بەردى ۇلتتىق بانكتىڭ باسشىسى.
ءبىر جىل بۇرىن ينفلياتسيا 6,5%-دى قۇرادى. «سوندىقتان اعىمداعى جىلدىڭ باسىنان باستاپ ۇلتتىق بانك بازالىق مولشەرلەمەنى جۇيەلى تۇردە تومەندەتە وتىرىپ, اقشا-كرەديت تالاپتارىن جۇمسارتۋىن جالعاستىرۋدا. 21 تامىزدا ول 0,25%-عا, ياعني 10,25%-عا دەيىن تومەندەتىلدى», - دەپ قورىتىندىلادى ول.
