Əلەمدىك سپورتتىق بي فەدەراتسياسىنىڭ رەسمي وكىلى بولىپ تابىلاتىن قر سپورتتىق بي فەدەراتسياسى اسسوتسياتسياسىنىڭ (افسترك WDSF) قولداۋىمەن «سامال» پانسيوناتىندا وتكەلى وتىرعان Para Dance Sport ءبىرىنشى اشىق بي كونگرەسى اياسىندا قازاقستاندىق قيمىل-تىرەك اپپاراتى زاقىمدالعان مۇگەدەك سپورتشىلار مەن شەتەلدىك وكىلدەرگە ارنالعان اقپاراتتىق كەزدەسۋلەر مەن شەبەرلىك ساعاتتارى وتكىزىلەدى. بىلتىرعى جىلدىڭ سوڭىندا حالىقارالىق پاراليمپيادالىق كوميتەت شەشىمىمەن «ارباداعى بي سپورتىنان» اتتى اتالمىش سپورت ءتۇرى IPC Wheelchair Dance Sport, ياعني «الەمدىك ارباداعى بي سپورتى» (World Para Dance Sport) دەپ وزگەرتىلگەن بولاتىن. ال جىل باسىندا لوندوندا الەمدىك سپورتتىق بي فەدەراتسياسى قاعيدالارىنىڭ نەگىزىندە 2017-2020 جىلدارعا ارنالعان ارباداعى ءبيدىڭ جاڭا ەرەجەلەرى قابىلدانۋىنا وراي, قازاقستان تاراپىنان دا بىرقاتار وزگەرىستەر ورىن الماق.
قازاقستان مۇگەدەكتەرى ۇجىمدارىنىڭ وداعىنىڭ توراعاسى ءالي, قالالىق ءماسليحات دەپۋتاتى سابينا امانكەلدى, قازاقستان رەسپۋبليكاسىنىڭ سپورتتىق بي فەدەراتسياسىنىڭ ۆيتسە-پرەزيدەنتى روۆالد ناگاەۆ, «الماتى» əيەلدەر كلۋبى» قوعامدىق بىرلەستىگىنىڭ ءتورايىمى جانە قر ارباداعى سپورتتىق بي كوميتەتىنىڭ قامقورشىلىق كەڭەسىنىڭ ءتورايىمى بەنت-انات بەيسەمباەۆا, «الماتى» əيەلدەر كلۋبى» قوعامدىق بىرلەستىگى باسقارماسىنىڭ مۇشەسى داكەن تورەبەكوۆا, رەسپۋبليكالىق قۇقىقتىق اقپارات ورتالىعىنىڭ مەڭگەرۋشى سەرىكتەسى رۋسلان جۋسانعاليەۆ, تەلە-راديوجۇرگىزۋشى ديانا سنەگينا جانە باسقا دا قوعام وكىلدەرى قاتىساتىن ءىس-شارانىڭ باستى ماقساتى – قوعامنىڭ فيزيكالىق مۇمكىندىكتەرى شەكتەۋلى جاندارعا دەگەن قاتىناسىن وزگەرتۋ, مۇگەدەكتەردىڭ قۇقىقتارىن قورعاۋ كونۆەنتسياسىن ناسيحاتتاۋ, ارباداعى سپورتتىق بي كوميتەتىنىڭ ماقساتاتتىرىمەن جانە مىندەتتەرىمەن تانىستىرۋ بولىپ تابىلادى.
ەۋروپالىق جانە لاتىن-امەريكالىق باعدارلامالار بويىنشا شەبەرلىك ساباقتارىمەن قوسا, جالپى فيزيكالىق دايىندىق جۇرگىزىلەتىن بي كونگرەسىندە تانىسۋ كەشى, ءتۇرلى ويىن-ساۋىق باعدارلاماسى وتكىزىلىپ, قاتىسۋشىلار ءۇشىن ارنايى الماتى قالاسى بويىنشا جانە جاساندى مۇز ايدىنى بار سپورت كەشەنى «مەدەۋگە»,«شىمبۇلاق» تاۋ-شاڭعى شيپاجايىنا ساياحاتتار ۇيىمداستىرىلماق.
الماتىدا العاش رەت وتكەلى وتىرعان اتالمىش كونگرەسسكە قاتىسۋعا جانە پارا بي نەگىزدەرىن ۋيرەنۋگە ارباداعى بي سپورتىنا سپورت رەتىندە رەسمي مارتەبە بەرىلمەگەن رۋمىنيا, تۇركيا, تاجىكستان, قىرعىزستان, وزبەكستان سياقتى ەلدەردىڭ وكىلدەرى ىقىلاس بىلدىرگەن ەكەن. كونگرەسس اياسىندا ارباداعى بي الەمىندە قولدانىس تاپقان وزەكتى اقپاراتتار, جاڭا تەحنولوگيالار جانە قۇرالدار تالقىلانباق.
ارباداعى بي تاريحىنا توقتالا كەتسەك, 1968 جىلدان باستاپ دەمالۋ جانە ساۋىعۋ ماقساتىندا ارباداعى بيمەن اينالىسا باستاعان ەڭ ءبىرىنشى ادام – شۆەتسيا تۇرعىنى ەلس-بريتت لارسسون. ۇلىبريتانيادا 1960-شى جىلداردىڭ سوڭىندا ارباداعى بيمەن اينالىسۋ – قيمىل-تىرەك اپپاراتى زاقىمدالعان ادامدار ءۇشىن ساۋىعۋدىڭ امالى سانالدى. بىرتىندەپ بۇل سپورت تۇرىنە دەگەن قىزىعۋشىلار قاتارى كوبەيىپ, ءتىپتى 1975 جىلى شۆەتسيادا وسى سپورت تۇرىنەن 30 جۇپ اراسىندا تۇڭعىش جارىس ۇيىمداستىرىلعان. ال قازاقستاندا 2016 جىلدان باستاپ بيمەن شىنىعۋدىڭ نەگىزىندە جالپى فيزيكالىق دامۋعا ۇلەس قوسۋ ماقساتىندا قولعا الىنىپ, 2017 جىلى ارباداعى بي كوميتەتى قۇرىلدى. بيمەن اينالىسۋ ارقا بۇلشىقەتتەرىن كاتايتۋعا, بۋىنداردىڭ شاپشاندىلىعىن ۇلعايتۋعا, ومىرتقا جوتاسىنا جاسالاتىن جۇكتەمەنى ازايتۋعا, جالپى دەنە ءبىتىمىنىڭ, كوورديناتسيانىڭ, ۆەستيبۋليارلىق اپپاراتىنىڭ دامۋىنا سەبەپكەر بولادى دەيدى ماماندار.
ميرا بايبەك,
«ەگەمەن قازاقستان»
الماتى
