قارجى ءمينيسترى باقىت سۇلتانوۆ بيىل 8 ايداعى بيۋدجەتتىڭ اتقارىلۋى ەكونوميكا ءوسىمى جاعدايىندا قامتاماسىز ەتىلگەنىن باياندادى. ەكونوميكا سالالارىن دامىتۋدىڭ وڭ ناتيجەلەرى مەملەكەتتىك بيۋدجەتتىڭ كىرىس بولىگىنىڭ اتقارىلۋىنا ايتارلىقتاي اسەر ەتتى.
اعىمداعى جوسپاردى ورىنداۋ بويىنشا, سونداي-اق وتكەن جىلدىڭ ۇقساس كەزەڭىنە ءوسۋ قارقىنى بويىنشا دا وڭ ترەند بايقالۋدا. مىسالعا, مەملەكەتتىك بيۋدجەتتىڭ كىرىستەرى (ترانسفەرتتەردى ەسەپتەمەگەندە) وتكەن جىلمەن سالىستىرعاندا 366,9 ملرد تەڭگەگە نەمەسە 108,9% ۇلعايدى. ونىڭ 172,2 ملرد تەڭگەسى رەسپۋبليكالىق بيۋدجەتكە, ال 195,2 ملرد تەڭگەسى جەرگىلىكتى بيۋدجەتتەرگە تيەسىلى.
بۇل فاكتور قارجى سەكتورىن قولداۋدىڭ قوسىمشا كوزدەرىن پايدالانۋ جانە جالپى سيپاتتاعى ترانسفەرتتەردى قايتا قاراۋمەن بىرگە مەملەكەتتىك بيۋدجەت شىعىندارى ءوسىمىنىڭ وتكەن جىلدىڭ ۇقساس كەزەڭىمەن سالىستىرعاندا شامامەن 3 ترلن تەڭگەگە نەمەسە 47,6% وسۋىنە الىپ كەلدى.
جالپى بيىل 8 ايدا مەملەكەتتىك بيۋدجەتكە (ترانسفەرتتەردى ەسەپتەمەگەندە) 4 512,3 ملرد تەڭگە كولەمدە كىرىستەر كەلىپ تۇسكەن. اسىرا ورىنداۋ 194,5 ملرد تەڭگەنى نەمەسە ەسەپتىك كەزەڭدەگى جوسپاردىڭ 104,5% قۇرادى.
رەسپۋبليكالىق بيۋدجەت بويىنشا اعىمداعى جوسپار 102,2% ورىندالدى. 3 083,4 ملرد تەڭگە (3 016 ملرد تەڭگە جوسپار كەزىندە) جينالدى, اسىرا ورىنداۋ 67,4 ملرد تەڭگەنى قۇرادى. جالپى بارلىق تۇسىمدەر بويىنشا وتكەن جىلمەن سالىستىرعاندا ايتارلىقتاي ءوسىم بايقالىپ وتىر.
جەرگىلىكتى بيۋدجەتتەردىڭ كىرىستەرى 1 429,7 ملرد تەڭگەنى قۇرادى. بۇل ەسەپتىك كەزەڭدەگى جوسپاردىڭ 109,8% (اسىراۋ ورىنداۋ سوماسى 127,8 ملرد تەڭگە).
مەملەكەتتىك بيۋدجەت شىعىندارى 9 021,7 ملرد تەڭگەنى نەمەسە ەسەپتىك كەزەڭدەگى جوسپاردىڭ 97,7 % قۇرادى. بيىل 8 ايدا رەسپۋبليكالىق بيۋدجەت شىعىندارى 7 982,6 ملرد تەڭگەگە نەمەس ەسەپتىك كەزەڭدەگى جوسپاردىڭ 98,6% يگەرىلدى. جەرگىلىكتى بيۋدجەتتەردىڭ شىعىندارى 3 023 ملرد تەڭگە سوماسىندا نەمەسە ەسەپتىك كەزەڭدەگى جوسپاردىڭ 96,7% اتقارىلدى.
«نۇرلى جول» مەملەكەتتىك باعدارلاماسى بويىنشا 8 ايدا 272,7 ملرد تەڭگەگە نەمەسە ەسەپتىك كەزەڭدەگى جوسپاردىڭ 99,9% يگەرىلگەنى جەكە اتاپ ءوتىلدى. قاراجات كولىك-لوگيستيكالىق جانە يندۋستريالىق ينفراقۇرىلىمدى دامىتۋعا, تكش جاڭعىرتۋعا, سۋ جانە جىلۋمەن قامتۋ جانە سۋ بۇرۋ جەلىلەرىنە, ءبىلىم بەرۋ سالاسىنداعى ينفراقۇرىلىمدى دامىتۋعا باعىتتالعان.
