ورالعا تۇركىستانداعى قورىق-مۋزەي قورىنان 252 جادىگەر اكەلىنگەن. ولاردىڭ ىشىندە كونە قالا ورنىنان تابىلعان قىش ىدىستار, قوجا احمەت ياساۋي ءىزباسارلارىنىڭ كىتاپتارى, قازاق حاندارىنىڭ ءمورلى جۇزىكتەرى, قازاق حاندارىنىڭ حاتتارى, شىراعداندار, كونە تيىندار جانە قابانباي باتىر قانجارى سەكىلدى اسا قۇندى بۇيىمدار بار.
رۋحاني كەرۋەندى باستاپ كەلگەن عىلىمي قىزمەتكەر ب.بايبولوۆ اق جايىق ءوڭىرى مەن كيەلى شاھاردىڭ اراسىندا ارىپتەستىك ەجەلدەن جالعاسىپ كەلە جاتقانىن ايتىپ, بقو تاريحي-ولكەتانۋ مۋزەيىنىڭ ديرەكتورى م.ەرساەۆقا «ازىرەت سۇلتان» قورىق-مۋزەيىنىڭ ديرەكتورى ن.احمەتجانوۆتىڭ العىس حاتى مەن مۋزەي شىعارعان باسپا ونىمدەرىن تابىس ەتتى.
- تۇركىستان ءاربىر قازاق بالاسىنىڭ التىن بەسىگى, ۇلت تاريحىنىڭ باستاۋ العان قاينار بۇلاعى عوي. كيەلى قالادان كەلگەن ءار جادىگەر ورالدىقتارعا اسا قىمبات, - دەيدى قازاقستان رەسپۋبليكاسى مادەنيەت قايراتكەرى سارا تاناباەۆا.
وسى كەزدەسۋ بارىسىندا «ازىرەت سۇلتان» قورىق-مۋزەيى مەن باتىس قازاقستان وبلىستىق تاريحي-ولكەتانۋ مۋزەيى اراسىندا مەموراندۋمعا قول قويىلدى.
كورمە 15 قازانعا دەيىن جالعاسپاق.
قازبەك قۇتتىمۇرات ۇلى,
«ەگەمەن قازاقستان»
