قوعامدىق كىتاپ شكافتارى نەمەسە بۋك كروسسينگ دۇنيە جۇزىندە كەڭىنەن تانىمال. شكافتىڭ مىندەتى ءار ادامنىڭ ءوز كىتابىن قالدىرىپ, باسقانىڭ كىتابىن وقۋعا الۋدان تۇرادى.
استانا تۇرعىندارى مەن قوناقتارى جوبا بولىگى بولا الادى جانە پايدالى ىسكە باعىتتالاتىن ءوز كىتاپتارىن ۇسىنىپ, وقۋ مادەنيەتىن دامىتۋعا ءوز ۇلەسىن ەنگىزە الادى.
كىتاپتاردى د.قوناەۆ كوشەسى 12/1, 412-كاب. مەكەن-جايى بويىنشا «بولاشاق» قاۋىمداستىعىنىڭ كەڭسەسىنە اكەلۋگە جانە ول ءۇشىن جاعىمدى سىيلىق الۋعا بولادى.
- Bolashak Books جوباسى قازاقستاندىقتار اراسىندا وقۋ مادەنيەتىن قالىپتاستىرۋعا باعىتتالعان. قوعامدىق كىتاپ شكافتارى ارقىلى ءار تىلەك ءبىلدىرۋشى ۇناعان كىتاپتى الىپ وقۋىنا جانە وقىپ بولعان سوڭ كەرى قايتارۋىنا بولادى. قازىرگى ۋاقىتتا ءبىز كىتاپ قورىن قالىپتاستىرۋدامىز. بارلىق بەي-جاي ەمەس ادامداردى سۇيىكتى ادەبيەتپەن بولىسۋگە شاقىرامىز, -دەدى «بولاشاق» قاۋىمداستىعى كەڭەسىنىڭ مۇشەسى
