مەملەكەت باسشىسى قازاقستاننىڭ تەننيستەن ەرلەر قۇراماسىن دەۆيس كۋبوگىنىڭ قازىرگى چەمپيونىمەن ويىندا جەڭىسكە جەتۋىمەن جانە وسى ۇزدىك ءتۋرنيردىڭ الەمدىك توبىنا وتۋىمەن قۇتتىقتادى.
«سىزدەردىڭ مىقتى قارسىلاسپەن باسەكەدە تاباندىلىقپەن جەتكەن جارقىن جەڭىستەرىڭىز ەلىمىزدىڭ سپورت جىلناماسىنداعى ايتۋلى جەتىستىك بولىپ وتىر. قايسارلىق پەن قايرات-جىگەرلەرىڭىزدىڭ ارقاسىندا قازاقستان تەننيس مەكتەبىنىڭ جوعارى دەڭگەيدە ەكەنىن تاعى دا ءبىر تانىتتىڭىزدار», – دەلىنگەن جەدەلحاتتا.
سوڭىندا ەلباسى قۇراما مۇشەلەرىنە زور دەنساۋلىق تىلەپ, سپورتتىڭ جاڭا بەلەستەرىندە تابىسقا جەتۋلەرىنە نيەتتەستىك ءبىلدىردى.
