باتىس ءسىبىر ارقىلى تسيكلوندار ءبىرىنىڭ ارتىنان ءبىرى كوشىپ, وسى تسيكلونعا بايلانىستى اتموسفەرالىق فرونتتار قازاقستاننىڭ سولتۇستىك اۋماعىنا جاڭبىر الىپ كەلەدى. دەمالىس كۇندەرى اۋا تەمپەراتۋراسى ادەتتەگىدەن 5-9 گرادۋس جوعارى بولدى, ەندى سۋىق فرونتتاردىڭ اسەرىنەن اۋا تەمپەراتۋراسى تومەندەپ, كليماتتىق نورماعا جاقىن بولادى. رەسپۋبليكامىزدىڭ وڭتۇستىك جانە باتىس وبلىستارىنداعى اۋا رايىنا الداعى 3 كۇندە بۇرىنعىداي انتيتسيكلون اسەر ەتەتىن بولادى. سوندىقتان دا بۇل جەردە اۋا تەمپەراتۋراسى جىلى, جاۋىن-شاشىنسىز بولماق, كليماتتىق نورمادان 3-8°س جوعارى بولادى.
