ەلباسى كاسىپورىندا گيپس پەن گيپس-كارتون جاساۋ تەحنولوگياسىمەن تانىستى. «كازۋپاكترەيد» جاۋاپكەرشىلىگى شەكتەۋلى سەرىكتەستىگىنىڭ نەگىزگى قىزمەتى – قۇرىلىس ماتەريالدارىن شىعارۋ. ونىڭ جوبالىق قۋاتتىلىعى جىلىنا 150 مىڭ توننا ءونىمدى قۇرايدى. كاسىپورىن 50 ادامدى تۇراقتى جۇمىس ورنىمەن قامتاماسىز ەتىپ وتىر.
سونداي-اق, نۇرسۇلتان نازارباەۆقا ەلىمىزدىڭ يندۋستريالىق-يننوۆاتسيالىق دامۋ باعدارلاماسىنىڭ وڭىردەگى ورىندالۋ بارىسى تۋرالى مالىمدەلدى. بۇدان بولەك, قازاقستان پرەزيدەنتىنە 557 ميلليارد تەڭگەنى قۇرايتىن 30-دان استام جوبانىڭ جۇزەگە اسىرىلۋى جوسپارلانىپ وتىرعانى جونىندە باياندالدى. وسىعان وراي, 6 مىڭعا جۋىق جاڭا جۇمىس ورنى اشىلاتىن بولادى.
ەلباسى ءتۇرلى مەملەكەتتىك جوبالار مەن باعدارلامالاردى ىسكە اسىرۋ ناتيجەسىندە جامبىل وبلىسى قۋاتتى يندۋستريالىق وڭىرگە جانە ەلىمىزدىڭ حيميا ونەركاسىبىنىڭ ورتالىعىنا اينالۋعا ءتيىس ەكەنىن اتاپ ءوتتى.
سوڭىندا ەلباسى «قازۋپاكترەيد» جاۋاپكەرشىلىگى شەكتەۋلى سەرىكتەستىگىنىڭ جۇمىسشىلارىمەن جانە باسشىلىعىمەن اڭگىمەلەسىپ, ەڭبەكتەرىنە تابىس تىلەدى.
