«اللاعا شۇكىر, بيىل ەلىمىزدەن قاجىلىققا اتتانعان قانداستارىمىز تولىق وتانىمىزعا ورالدى. بارلىعى ءدىن امان. ناۋقاستانىپ كەلگەن كەيبىر ازاماتتار جەرگىلىكتى ەمحانالاردا ەمدەلىپ جاتىر. بيىل قاجىلىق ميسسياسىمەن بارعان دارىگەرلەر قاجىلارعا مەديتسينالىق كومەك كورسەتتى. وتاندىق دارىلەرلەردىڭ سانىن 3 ەسەگە كوبەيتتىك. ەلىمىزدەن 1 ملن تەڭگەنىڭ ءدارى-دارمەكتەرى مەككە مەن ءمادينا قالالارىنا جەتكىزىلىپ, ناۋقاستانىپ قالعان وتانداستارىمىز دەر كەزىندە قاجەتتى دارىلەرمەن قامتاماسىز ەتىلدى. ميسسيا ءوز جۇمىسىن جوعارى دەڭگەيدە اتقارىپ كەلدى», – دەپ اتاپ ءوتتى باس ءمۇفتي ەرجان قاجى مالعاجى ۇلى.
كەزدەسۋگە ءدىن ىستەرى جانە ازاماتتىق قوعام مينيسترلىگىنىڭ وكىلى باۋىرجان ەسماحان, ءدىن ىستەرى كوميتەتىنىنىڭ باس ساراپشىسى نۇرعالي قابىلوۆ, قمدب قاجىلىق ءبولىمىنىڭ مەڭگەرۋشىسى بەيبىت مىرزاگەلديەۆ قاتىستى.
ايتا كەتەيىك, وتانداستارىمىز تىكەلەي رەيستەرمەن استانا, الماتى, شىمكەنت قالالارىنان ءمادينا مەن جيددا شاھارىنا جەتكەن بولاتىن. بيىل 2500 جەرلەسىمىز قاجىلىق پارىزىن وتەپ كەلدى.
