ءبىلىم • 18 قىركۇيەك، 2017

قازۇۋ رەكتورى ISESCO سىيلىعىنىڭ يەگەرى اتاندى

147 رەتكورسەتىلدى

يسلام ىنتىماقتاستىعى ۇيىمىنىڭ «عىلىم جانە تەحنولوگيالار جونىندەگى ءبىرىنشى ءسامميتى بارىسىندا ISESCO باس ديرەكتورى ابدۋلازيز وسمان ءال-تۋۆەيدجري ءال-فارابي اتىنداعى قازاق ۇلتتىق ۋنيۆەرسيتەتىنىڭ رەك­تورى عالىمقايىر مۇتانوۆقا ISESCO سىيلىعىن تا­بىس ەتتى.

ابدۋلازيز وسمان ءال-تۋۆەيدجريدىڭ اتاپ وتۋىنشە، قا­زاقستاندىق عالىم اتالعان مارتەبەلى ناگراداعا عىلىم جولىنداعى ەڭبەگىنىڭ حالىقارالىق دەڭگەيدە جو­عارى باعالانىپ، مويىندالعانى جانە ماتەماتيكالىق مود­ەل­دەۋ، تەحنيكالىق ءارى الەۋمەتتىك-ەكونوميكالىق جۇيە­­لەردى باسقارۋ سالاسىنداعى زور ۇلەسى ءۇشىن مارا­پات­­تالعان.

ISESCO سىيلىعى يسلام ىنتىماقتاستىعى ۇيىمىنا مۇشە مەملەكەتتەردىڭ عالىمدارىنا بيولوگيا، حيميا، گەولوگيا، ماتەماتيكا، فيزيكا جانە عىلىمي تەحنولوگيا سالالارىنا قوسقان ايرىقشا عىلىمي-يننوۆاتسيالىق ۇلەستەرى ءۇشىن بەرىلەدى. سىيلىق سەرتيفيكاتتان، التىن مەدالدان جانە اقشالاي سىياقىدان تۇرادى.

ISESCO-نى 1979 جىلى يسلام كونفەرەنتسياسى ۇي­ى­مى قۇرعان بولاتىن. ونىڭ قۇرامىنا 50-دەن استام مەم­لە­كەت كىرەدى. حالىقارالىق ۇيىمنىڭ قىزمەتى يسلام الە­مى ەلدەرىنىڭ عىلىمىن، ءبىلىمى مەن مادەنيەتىن دامى­تۋ­عا جا­نە وعان جان-جاقتى قولداۋ كورسەتۋگە باعىت­تال­عان.

«ەگەمەن-اقپارات»

سوڭعى جاڭالىقتار

ۇقساس جاڭالىقتار