كۇن ءتارتىبىنىڭ جوباسىنا دەپۋتاتتاردىڭ نازارىنا راتيفيكاتسيالاناتىن زاڭ جوبالارىن قاراۋ ۇسىنىلدى.
ولار قازاقستان مەن وزبەكستان اراسىنداعى حالىقارالىق اۆتوموبيل قاتىناسى تۋرالى ۇكىمەتارالىق كەلىسىمگە تۇزەتۋلەر ەنگىزۋ. جاڭا ەنگىزىلىم ەكى ەل اراسىنداعى جولاۋشىلار تاسىمالدارىن جۇزەگە اسىرۋ ءۇشىن قۇقىقتىق نەگىزدى قۇرۋعا باعىتتالادى. سونداي-اق, قازاقستان مەن وزبەكستان اراسىنداعى ساۋدا-ەكونوميكالىق دامۋدى قارقىنداتىپ, ىسكەرلىك بايلانىستى تەرەڭدەتە تۇسپەك.
وسى قاتاردا قازاقستان مەن نورۆەگيا اراسىنداعى حالىقارالىق اۆتوموبيل تاسىمالدارى تۋرالى ۇكىمەتارالىق كەلىسىم دە بار.
كۇن تارتىبىندە پالاتاعا بەيىندى كوميتەتتەرگە قورىتىندى ازىرلەۋ مەرزىمدەرىن بەلگىلەۋ بويىنشا زاڭ جوبالارى ۇسىنىلدى.
ولاردىڭ قاتارىنا ۇجىمدىق قاۋىپسىزدىك تۋرالى شارت ۇيىمى شەڭبەرىندە قۇپيا اقپاراتتىڭ ساقتالۋىن ءوزارا قامتاماسىز ەتۋ تۋرالى, سونىمەن قاتار, قازاقستاننىڭ ازىق-ت ۇلىك قاۋىپسىزدىگى جونىندەگى يسلام ۇيىمى اراسىنداعى شتاب-پاتەر تۋرالى كەلىسىمدەرگە تۇزەتۋ ەنگىزۋ بار.
بۇدان باسقا, بيۋرو وتىرىسىندا 2017 جىلعى 21-22 قىركۇيەك ارالىعىندا ءماجىلىستىڭ اگرارلىق ماسەلەلەر كوميتەتىنىڭ سولتۇستىك قازاقستان وبلىسىندا كوشپەلى وتىرىسىن وتكىزۋ تۋرالى ماسەلەلەر دە قارالدى.
«ەگەمەن-اقپارات»
