«وڭتۇستىك» يندۋستريالدى ايماعىندا ورنالاسقان بۇل جوبانىڭ قۇنى 120 ملن تەڭگەنى قۇرايدى. زاۋىت وندىرىستىك جوسپارى بويىنشا جىلىنا 10 توننا بيتۋم, ءىرى ءتۇيىرلى اسفالتتان 8 مىڭ توننا, مايدا ءتۇيىرلى اسفالتتان 22 مىڭ توننا, جالپى العاندا جىلىنا 40 مىڭ توننا اسفالت جانە بيتۋم شىعارۋدى كوزدەپ وتىر.
جاڭا جوبانىڭ جۇزەگە اسۋى وتاندىق ءوندىرىستىڭ دامۋىنا, جاڭا جۇمىس ورىندارىنىڭ اشىلۋىنا جانە داعدارىس كەزىندە ەلىمىزدىڭ ەكونوميكالىق تۇراقتىلىقتا بولۋىنا سەپتىگىن تيگىزەدى. كاسىپورىن جۇمىسىن باستاعان كەزدە مۇندا 20-دان استام ازامات جۇمىسپەن قامتىلاتىن بولادى.
ءوندىرىستىڭ يەسى, جەرگىلىكتى كاسىپكەر جالشىبەك شۇمەنوۆ وبلىستاعى كاسىپكەرلەرگە قىزمەت كورسەتۋ ورتالىعىنىڭ كومەگىمەن بيزنەس-جوسپارىن ازىرلەپ, قولدانۋعا دايىن اسفالت شىعارۋعا باعىتتالعان زاۋىتتى سالىپ وتىر.
شاعىن جانە ورتا بيزنەس جوعارى قارقىنمەن دامىپ كەلەتىن وڭتۇستىكتە يندۋستريالاندىرۋ كارتاسىنىڭ ەكىنشى بەسجىلدىعى (2015-2019 جج.) اياسىندا جالپى سوماسى 47,1 ملرد. تەڭگەنى قۇرايتىن 47 جوبا ىسكە اسىرىلىپ, 1 650 جاڭا جۇمىس ورنى اشىلدى. ال, وسى جىلى قۇنى 1,7 ملرد. تەڭگە بولاتىن 3 جوبا ىسكە قوسىلسا, جىل سوڭىنا دەيىن 14 جوبانى جۇزەگە اسىرۋ جوسپارلانىپ وتىر.
