جوبانى باسقارۋ سالاسىنداعى تانىمال مامانداردان تۇراتىن حالىقارالىق قازىلار القاسى «2017 جىلدىڭ ەڭ ۇزدىك جوباسى» نوميناتسياسىندا ءبىرىنشى ورىندى (التىن مەدال) نازارباەۆ ۋنيۆەرسيتەتىنە مەديتسينا مەكتەبى عيماراتىنىڭ قۇرىلىسىن سالعانى ءۇشىن بەردى. 2017 جىلى قازاقستان ءۇشىن بىرەگەي جانە الەۋمەتتىك ماڭىزدى جوبا – مەديتسينا مەكتەبى عيماراتىنىڭ قۇرىلىسى اياقتالىپ, پايدالانۋعا ەنگىزىلدى. ول جوبالىق باسقارۋدىڭ كومەگىمەن تابىستى ىسكە اسىرىلدى. مەديتسينا مەكتەبىنىڭ عيماراتى ساۋلەت ديزاينىمەن عانا بىرەگەي جوبا ەمەس, سونىمەن قاتار ينتەگراتسيالانعان اكادەميالىق دەنساۋلىق ساقتاۋ جۇيەسى شوعىرلانعان جەر بولىپ تابىلادى.
ء«بىرىنشى ورىندى ءبىز قۇرىلىس جوباسىن ىسكە اسىرعانىمىز – ارىپتەستەرىمىزبەن بىرگە ءتورت جىل بويى مەديتسينا مەكتەبىن قۇرعانىمىز ءۇشىن الدىق. بۇل جوبانى ءبىز بارلىق ساناتتاعى ۇزدىك الەمدىك تاجىريبە مەن ستاندارتتار بويىنشا ىسكە اسىردىق», دەپ اتاپ ءوتتى نازارباەۆ ۋنيۆەرسيتەتى پرەزيدەنتىنىڭ اكىمشىلىك-قارجىلىق باسقارۋ ماسەلەلەرى جونىندەگى كونسۋلتانتى, قازاقستاندىق جوبالاردى باسقارۋ قاۋىمداستىعىنىڭ ۆيتسە-پرەزيدەنتى ماقسات ماماشەۆ.
سونداي-اق, نازارباەۆ ۋنيۆەرسيتەتى «ەڭ ۇزدىك الەۋمەتتىك جوبا-2017» نوميناتسياسىندا «نازارباەۆ ۋنيۆەرسيتەتى – كوشباسشىلىق جانە قازاقستانداعى ءبىلىم بەرۋ رەفورماسىن دامىتۋ» جوباسى ءۇشىن ەكىنشى ورىن (كۇمىس مەدال) يەگەرى بولدى.
«ەگەمەن-اقپارات»
