زايسان جانە قاتونقاراعايداعى تاۋ ۇستىندەگى كولدەرى تەكسەرىلدى. كەندىرلىك جانە سارىمساقتى وزەندەرىندە باتيمەتريالىق تۇسىرىلىمدەر جاسالدى. زەرتتەۋشىلەر تاۋ كولدەرىنىڭ اۋدانى مەن بىرنەشە جەرلەرىنەن تەرەڭدىگىن ولشەدى. مۇنداي ولشەۋلەر سۋاستى بەدەرلەرى مەن سۋ كولەمىنىڭ بولجامىن ەسەپتەۋ ءۇشىن جاسالادى. وسى مالىمەتتەردىڭ بارلىعىن جيناعاننان كەيىن عانا زەرتتەۋشىلەر توبى مورەنا كولدەرىنىڭ جاعدايىن انىقتاي الادى.
تەكسەرۋدىڭ باستاپقى ناتيجەلەرى بويىنشا, سەل قاۋپى بايقالمايدى. ايتا كەتەيىك, شىعىس قازاقستان وبلىسىنىڭ اۋماعىندا 146 مورەنا كولى بار. ولاردا 23 ەلدىمەكەنگە قاۋىپ توندىرەتىن 23 سەل تۋدىرۋ وشاقتارى قالىپتاسقان. وندا شامامەن جالپى سانى 928 ادام تۇراتىن نەمەسە جۇمىس ىستەيتىن 313 تۇرعىن ءۇي, 5 قوعامدىق ماقساتتاعى جانە 5 ءوندىرىس نىساندارى بار.
