«وندا پوركۋراتۋرا, ادىلەت, ىشكى ىستەر ورگاندارىنىڭ وكىلدەرى مەن مەدياتورلار ورتالىقتاندىرىلعان ادىسپەن جۇمىس ىستەپ, قۇقىقتىق ماسەلەلەر بويىنشا كەڭەستەر بەرەدى», دەدى باسقارما باستىعىنىڭ ورىنباسارى ماحاببات كارىبايقىزى.
سونىمەن قاتار «ەلەكتروندىق قىلمىستىق ءىس» پيلوتتىق جوباسى تانىستىرىلدى. مۇندا ءوتىنىش جازىلعاننان باستاپ ۇكىم شىققانعا دەيىنگى بارلىق ماتەريالدار ەلەكتروندى تۇردە ساقتالادى. قاناتقاقتى جوبا تەرگەۋ جۇمىستارىنىڭ مەرزىمىن قىسقارتىپ ءىستىڭ ساپاسىن ارتتىرىپ, قۇجاتتاردىڭ قاۋىپسىزدىگىن قامتاماسىز ەتەتىن بولادى. سونداي-اق «ەلەكتروندىق اكىمشىلىك ءىس» موبيلدىك قوسىمشاسى دا قىزمەت كورسەتەدى.
ءبولىم جەتەكشىسى ايدار مۇقانوۆتىڭ ايتۋىنشا اكىمشىلىك زاڭ بۇزۋشىلىقتاردى تىركەيتىن بىرىڭعاي بازا ارقىلى پوليتسيا قىزمەتكەرلەرى حاتتامانى وقيعا ورنىندا دا تولتىرا الادى. زاڭ بۇزۋشى سول جەردە تولەم كارتاسى ارقىلى ايىپپۇلدى تولەۋگە مۇمكىندىك الادى.
جيىندا تەرگەۋشىلەردىڭ ازاماتتاردى قىلمىستىق ءىستى تەرگەۋ بارىسىنا قاتىستىرۋ ءۇشىن جىلىنا شامامەن 2 ميلليونعا جۋىق شاقىرتۋ جونەلتىلەتىنى مىسالعا كەلتىرىلدى. ەندى قاعازباستىلىقتان ارىلۋ ءۇشىن ارنايى قۇجاتتار سمس ارقىلى جىبەرىلەتىن بولادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
