قوناقتاردىڭ اراسىندا «تۇركسوي» حالىقارالىق ۇيىمىنىڭ باس حاتشىسىنىڭ ورىنباسارى فىرات پۋرتاش, ەۋرازيا جازۋشىلار وداعىنىڭ توراعاسى ياكۋب ومەروگلى, «باشقۇرتستان قىزى» جۋرنالىنىڭ رەداكتورى گۇلناز كۋتۋەۆا, ء«ازىربايجان» جۋرنالىنىڭ رەداكتورى سۋدابا اگابالاەۆا, «جۇلدىز» جۋرنالىنىڭ باس رەداكتورى, مەملەكەتتىك سىيلىقتىڭ يەگەرى, اقىن ۇلىقبەك ەسداۋلەت, جازۋشى, قازىعۇرتkz» جۋرنالىنىڭ باس رەداكتورى مارحابات بايعۇت جانە تاعى باسقا 19 ەلدەن 10-عا جۋىق ادەبيەت جانە مادەنيەت قايراتكەرلەرى بار.
كەزدەسۋدە ءسوز العان وبلىس اكىمى تۇركى الەمى ادەبي جۋرنالدارى رەداكتورلارىنىڭ VIII-ءشى كونگرەسىنىڭ تابىستى وتۋىمەن قۇتتىقتادى.
«ەلباسىمىز نۇرسۇلتان ءابىش ۇلى نازارباەۆ: «تۇركسوي» تۇركى الەمىنىڭ يۋنەسكو-سىنا اينالۋى ءتيىس» دەگەن بولاتىن. ياعني, ءبىز تۇركسوي ۇيىمىنا مۇشە ەلدەر اراسىندا ىنتىماق-بىرلىگىمىزدى ارتتىرىپ قانا قويماي, مادەني جانە ەكونوميكالىق, تۋريستىك تۇرعىدا سونى سەرپىن الارىمىز, سەرگەك تارتارىمىز ءسوزسىز. كەشەگى وتكەن جيىندا ساليقالى سوزدەر, ۇتىمدى ۇسىنىستار ايتىلىپ, ورنىقتى ويلار ورتاعا سالىندى دەپ ويلايمىن», - دەدى جانسەيىت قانسەيىت ۇلى.
كەزدەسۋدە ءسوز العان قوناقتار تۇركى الەمى ادەبي جۋرنالدارى رەداكتورلارىنىڭ VIII-ءشى كونگرەسىندە ايتىلعان ۇسىنىستار مەن قوزعالعان پىكىرلەر تۇركى تىلدەس حالىقتاردىڭ ورتاق تاريحىن ينتەگراتسيالاۋعا زور ىقپالىن تيگىزەدى دەگەن سەنىم ءبىلدىردى.
«تۇركىستان قالاسىندا كەرەمەت باسقوسۋ ءوتتى. جيىندا تۇركى دۇنيەسىنە ورتاق دۇنيەلەر ورتاعا سالىندى. سونىڭ ءبىرى رەتىندە قازاقستاننىڭ لاتىن الىپبيىنە كوشۋى تالقىلاندى. لاتىن الىپبيىنە كوشۋ - سىزدەردىڭ تىلدەرىڭىز ءۇشىن جاسالعان يگى قادام دەپ بىلەمىن. تۇركى ەلدەرىنىڭ اقساقالى ن.نازارباەۆتىڭ بۇل باستاماسى دەر كەزىندە كوتەرىلىپ وتىر», - دەدى ەۋرازيا جازۋشىلار وداعىنىڭ توراعاسى ياكۋب ومەروگلى.
كەزدەسۋ بارىسىندا قوناقتار لاتىن تىلىنە كوشۋ ماسەلەسى تۋرالى ويلارىن ورتاعا سالىپ, ءوز انا تىلدەرىندە ءبىر-ءبىر شۋماقتان ولەڭ وقىپ بەردى. ءوڭىر باسشىسى قوناقتارعا ريزاشىلىعىن ءبىلدىرىپ, سىي-سياپات كورسەتتى.
