قۇقىق قورعاۋ جانە ارنايى ورگاندار كورمەگە زاماناۋي قاۋىپسىزدىك جۇيەسىن ورناتتى. وسى رەتتە كۇشتىك قۇرىلىمدار قاۋىپسىزدىكتى قامتاماسىز ەتۋ بويىنشا الدىنا قويعان مىندەتتەردى ورىنداۋدا بىرلەسكەن ۇيلەسىمدى ءىس-ارەكەتتى كورسەتتى.
وسىعان بايلانىستى ىشكى ىستەر مينيسترلىگىندە ەكسپو كورمەسىن دايىنداۋ جانە وتكىزۋ كەزىندە قاۋىپسىزدىك پەن قۇقىقتىق ءتارتىپتى قامتاماسىز ەتۋگە ۇلەس قوسقان جانە ءوزىنىڭ مىندەتتەرىن ۇلگىلى ورىنداعانى ءۇشىن لاۋازىمدى تۇلعالاردى ماراپاتتاۋ ءراسىمى ءوتتى.
بۇيرىققا سايكەس, مەملەكەتتىك ورگانداردىڭ, ۇيىمداردىڭ جانە ىشكى ىستەر ورگاندارى بولىنىستەرىنىڭ 745 لاۋازىمدى تۇلعانى ماراپاتتالدى.
ەكسپو كورمەسىن دايىنداۋ جانە وتكىزۋ كەزىندە قۇقىق قورعاۋ ورگاندارى مەن ارنايى قىزمەتتەردىڭ ءتيىمدى جۇمىس ىستەۋى قىلمىستىڭ دەڭگەيىنىڭ تومەندەۋىنە جانە استانانىڭ ەڭ قاۋىپسىز قالا بولۋىن قامتاماسىز ەتتى.
ەكسپو كورمەسىن وتكىزۋ كەزىندە قوعامدىق قاۋىپسىزدىك پەن قۇقىقتىق ءتارتىپتى ءتيىستى دەڭگەيدە قامتاماسىز ەتۋ ءۇشىن 9 مىڭعا جۋىق قىزمەتكەر جۇمىلدىرىلدى (4,6 مىڭ ءىىم-ءنىڭ قىزمەتكەرى, 1,8 مىڭ ۇلتتىق ۇلاننىڭ اسكەري قىزمەتشىلەرى, 1,5 مىڭ. – قورعانىس مينيسترلىگى, 630 جەكە مەنشىك كۇزەت ۇيىمدارى).
جالپى العاندا كورمە كەزىندە قانداي دا ءبىر توتەنشە جاعدايلارعا, رەزونانستى قىلمىستارعا جول بەرىلمەدى.
