Astana Marathon 2017 قاتىسۋشىلارىنا 42.2 كم, 21.1كم قاشىقتىعىنا 18 جاستان جوعارى, 10 شاقىرىمدىق ەستافەتالىق مارافونعا 16 جاستان جوعارى جانە سكانديناۆيالىق ءجۇرۋ ۇسىنىلادى.
مارافونعا قاتىسۋ ءۇشىن www.astana42k.com. سايتىندا ونلاين تىركەۋدەن ءوتۋ كەرەك. بۇعان قوسا, ونلاين وتىنىشتەردى قابىلداۋدا دەدلاين ورناتىلعان: 42.2 شاقىرىم جانە 21.1 شاقىرىمعا – 11 قىركۇيەككە دەيى, 10 شاقىرىمعا – 14 قىركۇيەككە دەيىن. سونىمەن قاتار قاتىسۋ ءۇشىن 14 قىركۇيەككە دەيىن Crossfit Astana كلۋبتارى ارقىلى جانە 15-16 قىركۇيەك ساعات 19:00-گە دەيىن Astana Marathon EXPO 2017 سپورتتىق جارمەڭكەسى كەزىندە تىركەلۋگە بولادى.
بۇگىندە 42,2 شاقىرىم قاشىقتىققا 485 ادام, 21,1 شاقىرىمعا 755 ادام, 10 شاقىرىمعا 3143 قاتىسۋشى تىركەلدى. مارافونعا قازاقستاننىڭ 22 قالاسىنان قاتىسۋشى تىركەلدى, سونداي-اق 19 شەت ەلدەن (اقش, ۇلىبريتانيا, اۆستراليا, گەرمانيا, يتاليا, كيپر, قىتاي, رەسەي جانە ت.ب.) قاتىسۋشىلار دا بار.
10 شاقىرىم قاشىقتىققا جۇگىرۋگە قاتىسۋ ءۇشىن اقى – 4000 تەڭگە, قالعان ەكى قاشىقتىق بويىنشا 8000 تەڭگە.
مارافونشىلار ساعات 06.00-دەن باستاپ جينالۋ كەرەك, جۇگىرۋ ساعات 07.00-دە باستالادى. جينالۋ ورنى: تۇرار رىسقۇلوۆ كوشەسى, تۇركىستان 2 كوشەسىنىڭ قيىلىسى ەكسپو-عا قاراما-قارسى ر4 اۆتوتۇراق اۋماعى. اياقتالۋى ساعات 13.00-گە جوسپارلانعان. 1-ءشى ورىنعا يە بولعان جەڭىمپازعا 850 000 تەڭگە كولەمىندە سىياقى جانە «Air Astana» اۋە كومپانياسىنا كەز-كەلگەن باعىتقا بارۋ-قايتۋ باعىتى بويىنشا بيلەت بەرىلەدى.
