كەن ورنى ارنايى ەكى قوندىرعى ورناتىپ, التىندى سۋمەن شايۋ ءادىسى ارقىلى ءوندىرىپ جاتىر. قازىرگى ۋاقىتتا 200 ادام ەڭبەك ەتىپ جاتقان كاسىپورىن العاشقى ونىمدەرىنە دە قول جەتكىزىپ ۇلگەرىپتى. جارما اۋدانىنىڭ اكىمى نۇرلان سىدىقوۆ جۋىقتا «شۇعىلا GOLD» جشس باسشىلىعىمەن كەزدەسىپ, كاسىپورىننىڭ جۇمىسىمەن جاقىن تانىسىپ, بىرقاتار مىندەتتەر جۇكتەدى. بيزنەستىڭ الەۋمەتتىك جاۋاپكەرشىلىگى اياسىندا اۋدانداعى ءىس-شارالاردان تىس قالماي, الەۋمەتتىك ماڭىزى بار جوبالارعا قولداۋ كورسەتۋگە شاقىردى.
سەرىكتەستىكتىڭ وندىرىستىك ديرەكتورى رامازان سۇلەيمەنوۆ ءوز كەزەگىندە كاسىپورىن الەۋمەتتىك مىندەتتەمەلەردەن باس تارتپايتىنىن, جۋىقتا عانا وتكەن قاليحان التىنباەۆتىڭ مەرەيتويىنا قارجىلاي قولداۋ كورسەتكەندەرىن ايتىپ, بۇل باعىتتاعى جۇمىستارىن الداعى ۋاقىتتا دا جالعاستىراتىندىقتارىن جەتكىزدى. سونىمەن قاتار, بولاشاقتا كەن يگەرۋ ءۇشىن ارنايى زاۋىت سالۋدى جوسپارلاپ وتىرعاندارىن تىلگە تيەك ەتتى.
ازامات قاسىم,
«ەگەمەن قازاقستان»
