وسى جەڭىستەن رۋحتانعان «بارىس» حوككەي كلۋبى اراعا ەكى كۇن سالىپ, سىرت الاڭدا سوڭعى ويىنىندا ماسكەۋ وبلىسىنىڭ «ۆيتياز» كومانداسىن 5:1 ەسەبىمەن تىزە بۇكتىردى. ءبىرىنشى كەزەڭنىڭ 14-ءشى مينۋتىندا ايدىن يەلەرى شايبا سوعىپ, ەسەپتى اشقان بولاتىن. ەكىنشى كەزەڭنەن باستاپ «بارىس» حوككەيشىلەرى «ۆيتياز» قاقپاسىن شابۋىلدىڭ استىنا الدى. ناتيجەسىندە, ەلوردا كومانداسىنىڭ شابۋىلشىسى دوۋس 21-ءشى مينۋتتا ەسەپتى تەڭەستىرسە, نيكيتا ميحايليس (39-مينۋت) «بارىستىڭ» ەكىنشى شايباسىن سوقتى. سونان سوڭ, داررەن ديتس (42-مينۋت), ليندەن ۆەي (51-مينۋت) تابلوداعى كورسەتكىشتى ەسەلەي ءتۇستى. ال وسى ماتچتا ەكىنشى گولىن سوققان نايدجەل دوۋس ەسەپتى 5:1-گە جەتكىزىپ, ويىن ناتيجەسىنىڭ سوڭعى نۇكتەسىن قويدى.
بۇل «بارىس» كومانداسىنىڭ بيىلعى ماۋسىمداعى التىنشى جەڭىسى. وسى جەڭىستەن سوڭ ەلوردا كلۋبى 19 ۇپايمەن «شىعىس» ديۆيزيونى كوماندالارى اراسىندا توپ باستادى. «بارىس» كەلەسى كەزدەسۋىن 15 جانە 17 قىركۇيەك كۇندەرى استاناداعى «بارىس ارەنا» مۇز ايدىنىندا ءنوۆوسىبىردىڭ «سيبير» كومانداسىمەن ەكى ويىن وتكىزەدى.
ءالي بيتورە,
«ەگەمەن قازاقستان»
