ق. توقاەۆ پرەزيدەنت نۇرسۇلتان نازارباەۆتىڭ باستاماسى بويىنشا ءوتىپ وتىرعان يىۇ-نىڭ عىلىم جانە تەحنولوگيا جونىندەگى العاشقى سامميتىنە قاتىسقانى ءۇشىن يندونەزيالىق دەلەگاتسياعا العىس ايتتى. سەنات توراعاسى الەۋمەتتىك-ەكونوميكالىق رەفورمالارىن ىسكە اسىرۋداعى جانە قارقىندى دامىعان ەكونوميكاسى بار مەملەكەت قۇرۋداعى يندونەزيانىڭ جەتىستىكتەرىنە قازاقستاندا زور ىقىلاسپەن قارايتىنىن اتاپ ءوتتى.
يۋ. كاللا يىۇ فورۋمىن تابىستى وتكىزۋىمەن قازاقستاندى قۇتتىقتاي كەلىپ, ساياسي, ەكونوميكالىق, تەحنولوگيالىق جانە ينۆەستيتسيالىق بايلانىستار سالاسىنداعى ىنتىماقتاستىقتىڭ زور الەۋەتىن اتاپ ءوتتى.
ق. توقاەۆ كونفەسسياارالىق ۇنقاتىسۋدى دامىتۋ جونىندەگى قازاقستاننىڭ باستامالارى, سونداي-اق الداعى 2018 جىلى قازاندا وتەتىن الەمدىك جانە ءداستۇرلى دىندەر ليدەرلەرىنىڭ VI سەزىنىڭ كۇن ءتارتىبى جونىندە جۇزدەسۋشىنى حاباردار ەتىپ, ول فورۋمعا يندونەزيالىق باسشىلاردىڭ قاتىساتىنىنا سەنىم ءبىلدىردى. تاراپتار يسلامدىق ءبىلىم بەرۋ, ەكسترەميزم مەن تەرروريزمگە قارسى يدەولوگيالىق ءىس-قيمىل سالاسىنداعى ءوزارا بايلانىستاردى نىعايتۋ ماسەلەلەرى بويىنشا پىكىر الماستى.
كەزدەسۋگە قاتىسۋشىلار قازاقستان مەن يندونەزيانىڭ پارلامەنتارالىق ۇنقاتىسۋىن نىعايتۋدىڭ كەلەشەگىن دە تالقىلادى.
