پرەمەر-مينيستر شاراعا قاتىسۋشىلارعا بۇگىنگى فورۋم تاقىرىبىنىڭ ماڭىزدىلىعىن ايتىپ ءوتتى.
«شىنىمەن دە, ءبىزدىڭ كوز الدىمىزدا جاھاندىق ەنەرگەتيكالىق نارىقتىڭ جاڭا مودەلىنە كوشۋدىڭ بىرەگەي پروتسەسى ءورىس الىپ جاتىر. ءبىز ەكونوميكالىق دامۋ مەن عالامشار ەكوجۇيەسىن ساقتاۋ اراسىنداعى تەڭگەرىم نەگىزىندە تۇراقتى ەنەرگەتيكالىق دامۋدى قامتاماسىز ەتۋ ماڭىزدىلىعىنىڭ يدەياسىن قولدايمىز», دەدى ول.
سونداي-اق, باقىتجان ساعىنتاەۆ ەكسپو-2017 مۇراسى الەمدىك ەنەرگەتيكا جۇيەسىنىڭ دامۋىنا ءارى جاھاندىق ەنەرگەتيكانىڭ تۇراقتى دامۋىنىڭ جاڭا ۇلگىلەرىن قالىپتاستىرۋعا سەرپىن بەرەتىنىن ايتتى.
پرەمەر-مينيستر قازاقستان ۇكىمەتىنىڭ تۇراقتى ەنەرگەتيكا سالاسىندا تابىستى ىنتىماقتاستىق ورناتۋعا ءازىر ەكەنىن مالىمدەدى, سونىمەن قاتار فورۋم دەلەگاتتارىن ەنەرگەتيكالىق سىن-تەگەۋرىندەردىڭ شەشىمىن بىرلەسىپ تابۋعا جانە سىندارلى ديالوگ جۇرگىزۋگە شاقىردى.
بۇدان وزگە, پلەنارلىق وتىرىستا رەسەي ۇكىمەتى توراعاسىنىڭ ورىنباسارى اركادي دۆوركوۆيچ, يسلانديانىڭ ەكس-پرەزيدەنتى وۋلاۆيۋر راگنار گريمسسون, ءباا ەنەرگەتيكا ءمينيسترى سۋحەيل مۇحاممەد ءال-مازرۋي, ۆەنەسۋەلانىڭ مۇناي جانە تاۋ-كەن ونەركاسىبى ءمينيسترى ەۋلوحيو دەل پينو جانە «استانا» حالىقارالىق قارجى ورتالىعىنىڭ باسقارۋشى ديرەكتورى قايرات كەلىمبەتوۆ ءسوز سويلەدى.
فورۋم اياسىندا پلەنارلىق جانە باعدارلامالىق سەكتسيالار, عىلىمي-تاجىريبەلىك كونفەرەنتسيالار, دوڭگەلەك ۇستەلدەر, يننوۆاتسيالىق مەكتەپ, جاستار فورۋمى جانە ايەلدەردىڭ ەنەرگەتيكالىق كلۋبىنان تۇراتىن فورۋم ىشىلىك شارالار كەشەنى ۇيىمداستىرىلدى.
