فوتو: ەرلان وماروۆ, «ەگەمەن قازاقستان»
ول وسى تاريحي شاراعا قاتىسا الماعانىنا وكىنىشىن ءبىلدىرىپ, شارانىڭ ۇيىمداستىرىلۋىن جوعارى باعالادى. «جاڭعىرمالى ەنەرگيانى ىلگەرىلەتۋ – تۇراقتى الەۋمەتتىك دامۋعا باعىتتالعان قيىن شارۋا. دەسە دە, بالامالى قۋات كوزدەرىن تابۋ, قولدانۋ, ونى تاراتۋ جيىرما ءبىرىنشى عاسىردىڭ مىندەتى بولىپ سانالادى. ال استانادا مارەسىنە جەتكەن ەكسپو كورمەسى تەحنيكالىق جانە تەحنولوگيالىق جەتىستىكتەرگە جەتتى, سونداي-اق وعان قاتىسۋشى مەملەكەتتەردىڭ مادەنيەتىن, تاريحىن كورسەتتى. قازاقستان بۇل رەتتە ۇلكەن جاۋاپتى ميسسيانى اتقارىپ, لايىقتى دەڭگەيدە وتكىزىپ شىقتى», دەدى باس حاتشى.
ۆيسەنتە لوسسەرتالەس بۇل شارادا الەمنىڭ بارلىق مەملەكەتى وزدەرىنىڭ تەحنولوگيالىق, عىلىمي جەتىستىكتەرىن كورسەتكەنىن ايتتى. ونىڭ ايتۋىنشا, بارلىق قۇرلىقتىڭ 178 ەلىنەن ميلليونداعان ادام قاتىستى مۇندا. ەكسپو-نى وتكىزۋ ارقىلى قازاق ەلى, استانا حالىقارالىق شارانى ۇيىمداستىرا الاتىن قالىپتاسقان مەملەكەت ەكەنىن اڭعارتتى. ءۇش مىڭنان اسا تەماتيكالىق, مادەني, اعارتۋ شارالارى ۇيىمداستىرىلىپ, كورمەنىڭ سالماعىن بيىكتەتتى. ەكسپو تاريحىندا استاناداعى تاريحي شارا ءوز ورنىن ايشىقتادى.
اسحات رايقۇل,
"ەگەمەن قازاقستان"
