نۇرسۇلتان نازارباەۆ اۋعانستان پرەزيدەنتىنە يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى سامميتىنە قاتىسقانى ءۇشىن ريزاشىلىق ءبىلدىردى.
- جوعارى دەڭگەيدەگى كەزدەسۋلەرىمىز تۇراقتى سيپاتقا يە. بۇل ەكىجاقتى قارىم-قاتىناستار قارقىندى دامىپ كەلە جاتقانىن بىلدىرەدى. قازاقستان كوپ بەينەت كورگەن باۋىرلاس اۋعان حالقىنا تۇراقتىلىق تىلەيدى, - دەدى مەملەكەت باسشىسى. سونداي-اق, نۇرسۇلتان نازارباەۆ قازاقستان مۇمكىندىگىنە قاراي اۋعانستانعا كومەك كورسەتىپ كەلە جاتقانىن ايتتى. - اتاپ ايتقاندا, ءبىز جاستارعا ءبىلىم بەرۋ, گۋمانيتارلىق كومەك كورسەتۋ سالالارىندا قولداۋ جاساۋدى جالعاستىرامىز, - دەدى قازاقستان پرەزيدەنتى. اۋعانستان پرەزيدەنتى سامميتكە قاتىسۋعا شاقىرعانى ءۇشىن نۇرسۇلتان نازارباەۆقا ريزاشىلىق ءبىلدىردى.
- ءسىزدى «ەكسپو-2017» حالىقارالىق كورمەسىن جانە يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءسامميتىن تابىستى وتكىزۋىڭىزبەن قۇتتىقتايمىن, - دەدى م.عاني.
