- «سالاماتتى بولاشاق» بىرلەسكەن جوباسى اياسىندا «اسىل بالا» قاۋىمداستىعى «نۇر وتان» پارتياسىنىڭ قولداۋىمەن بۇگىن قالادا العاشقى بەيىمدىك ءجۇزۋ بويىنشا سەكتسيا اشىلۋدا. سونداي-اق, وقۋشىلار سارايىندا بەيىمدىك كاراتە سەكتسياسى اشىلىپ, جۇمىس ىستەۋدە, - دەپ اتاپ ءوتتى باقىت ساپاروۆ قالا اكىمى اسەت يسەكەشەۆتىڭ مۇمكىندىگى شەكتەۋلى بالالارعا كومەك كورسەتەتىن ۇكىمەتتىك ەمەس ۇيىمداردىڭ وكىلدەرىمەن كەزدەسۋىندە.
بۇدان بولەك, باعدارلامانى جۇزەگە اسىرۋ اياسىندا استانادا «بىلىمدە توزىمدىلىك» حالىقارالىق كونفەرەنتسياسى وتكىزىلدى. جەكە بالاباقشا بازاسىندا ينكليۋزيۆتى ەنگىزۋ ماقساتىندا ەسپەريمەنتالدى الاڭ اشىلدى, بالالار ءۇشىن «ساۋ دەنەدە – ساۋ رۋح» قالالىق سپورت ءتۋرنيرى وتكىزىلدى, «بالانى مەكتەپكە دايىندايمىز» جوباسىنىڭ اياسىندا 200-دەن استام بالاعا مەكتەپ قۇرالدارى تابىستالدى.
سونىمەن قاتار, ب.ساپاروۆتىڭ سوزىنشە, «كەدەرگىسىز كەلەشەك» جوباسى اياسىندا تۇرعىنداردىڭ از ءموبيلدى توپتارى ءۇشىن قولجەتىمدى ورتا قۇرۋ ءۇشىن رەيدتىك تەكسەرىستەر جۇرگىزىلگەن. رەيد ءبارىسىنداجۇز نىساننىڭ 33-ءى قۇجاتتاندىرىلعان. قالعاندارى اياقتالۋ ۇستىندە.
بۇعان دەيىن حابارلانعانداي, استانا 2020 جىلعا دەيىن اشىق, قاۋىپسىز, اقىلدى, جايلى, ەكولوگيالىق تۇراقتى قالاعا اينالۋعا ۇمتىلۋدا. وندا ءار تۇرعىندا بارلىق الەۋمەتتىك يگىلىكتەرگە تەڭ قولجەتىمدىلىك بولادى.
قالا اكىمدىگى استانا تۇرعىندارىنىڭ جاعدايىن جاقسارتۋعا باعىتتالعان ەلوردانىڭ 2020 جىلعا دەيىنگى دامۋ باعدارلاماسى وزگەرتىلگەن بولاتىن.
