مەملەكەت باسشىسى كەزدەسۋدە ح.ءرۋحانيدى وتكەن سايلاۋدا جەڭىسكە جەتىپ, يران يسلام رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى.
– بۇل بىزگە بۇعان دەيىن باستالعان ديالوگىمىزدى جالعاستىرۋعا زور مۇمكىندىك بەرەدى. ءبىزدىڭ ارامىزدا سەنىم مەن تۇسىنىستىك بار. بۇل ەكىجاقتى قارىم-قاتىناستى قارقىندى دامىتۋ ءۇشىن اسا ماڭىزدى, – دەدى نۇرسۇلتان نازارباەۆ.
يران يسلام رەسپۋبليكاسىنىڭ پرەزيدەنتى سامميتكە قاتىسۋعا شاقىرعانى ءۇشىن قازاقستان پرەزيدەنتىنە العىس ايتتى.
– كوپتەگەن حالىقتىڭ ويىندا استانا بەيبىتشىلىك قالاسى رەتىندە ساقتالعان. ول الداعى ۋاقىتتا دا سول كەيىپتە قالا بەرەدى. استاناداعى سامميت تاياۋ شىعىستاعى تۇراقسىز وڭىرگە بەيبىتشىلىكتى ورنىقتىرۋعا ۇلەس قوسادى دەپ ۇمىتتەنەمىن. سامميت وتكەننەن كەيىن قازاقستاننىڭ ەلورداسىن عىلىم مەن تەحنولوگيانىڭ قالاسى دەپ تە اتاۋعا بولادى, – دەدى ح.رۋحاني.
سوڭىندا قازاقستان پرەزيدەنتى يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى سامميتىنە قاتىسقانى ءۇشىن ح.رۋحانيگە ريزاشىلىق ءبىلدىردى.
