«قۇرمەتتى سامميتكە قاتىسۋشىلار, حانىمدار مەن مىرزالار! قوناقجاي قازاق جەرىنە قوش كەلدىڭىزدەر. ەلوردامىز استانادا وسى جوعارى دەڭگەيدەگى قۇرىلتايدى وتكىزۋ ءبىزدىڭ ەل ءۇشىن زور مارتەبە. بۇل باسقوسۋىمىز يسلام ۇمبەتىنىڭ تاريحىندا ەرەكشە ءىز قالدىرادى دەپ سەنەمىز. وتىرىستىڭ توراعاسى رەتىندە يسلام ىنتىماقتاستىق ۇيىمىنىڭ عىلىم جانە تەحنولوگيالار جونىندەگى ءبىرىنشى ءسامميتىنىڭ جۇمىسىن اشىق دەپ جاريالاۋعا رۇقسات ەتىڭىزدەر», - دەدى قازاقستان پرەزيدەنتى.
وسىدان كەيىن قۇران اياتتارى وقىلىپ, سامميت جۇمىسى باستالدى.
بۇعان دەيىن حابارلانعانداي, 10-11 قىركۇيەك كۇندەرى ەلورداداعى تاۋەلسىزدىك سارايىندا ەلباسى نۇرسۇلتان نازارباەۆتىڭ توراعالىعىمەن يسلام ىنتىماقتاستىق ۇيىمىنىڭ عىلىم مەن تەحنولوگيالار جونىندەگى ءبىرىنشى ءسامميتى وتۋدە. سامميتكە يىۇ-عا مۇشە ەلدەردىڭ, سونىمەن قاتار حالىقارالىق جانە وڭىرلىك ۇيىمداردىڭ 80-گە جۋىق دەلەگاتسياسى قاتىسۋدا.
