ءوڭىر باسشىسى پەتروپاۆلدىق «قۇلاگەر» كومانداسىن ماۋسىم الدىنداعى قازاقستان كۋبوگى حوككەي تۋرنيرىندەگى جەڭىسىمەن قۇتتىقتادى.
ء«بىزدىڭ كوماندا جەڭىمپازعا ءتان ەرىك-جىگەر تانىتتى. بۇل ءاربىر ويىنشىنىڭ, باپكەرلەر شتابىنىڭ, كلۋب باسشىلىعىنىڭ ەڭبەگى. كوماندا مەن جانكۇيەرلەرگە جاڭا ماۋسىمدا جاڭاشا كوڭىل كۇي مەن ءىرى جەڭىستەر تىلەيمىن!» - دەدى قۇمار اقساقالوۆ.
«قۇلاگەر» كومانداسىنىڭ كاپيتانى يلگيز نۇريەۆ تە جانكۇيەرلەرگە العىس ءسوز سويلەدى. ول: «جانكۇيەرلەردىڭ قولداۋى بولماعاندا, بۇل جەڭىسكە جەتپەس ەدىك», - دەدى.
حوككەي ماۋسىمى «قۇلاگەر» جانە «گورنياك» (رۋدنىي) كوماندالارى اراسىنداعى ماتچپەن باستالدى. ءبىرىنشى تايمنىڭ اياقتالۋىنا ءبىر جارىم مينۋت قالعاندا داۋلەت كەنباەۆ («گورنياك») ەسەپتى اشتى. ۇزىلىسكە توعىز سەكۋند قالعاندا «قۇلاگەر» ەسەپتى تەڭەستىردى. دميتري يسماگيلوۆ جاقىن قاشىقتىقتان شايبانى قاقپاعا ءدال باعىتتادى. ءبىرىنشى كۇنگى ناتيجە جەرگىلىكتى كوماندانىڭ 3:1 ەسەبىندەگى جەڭىسىمەن اياقتالدى. وسى كوماندالار اراسىنداعى ەكىنشى ماتچ جەكسەنبىدە وتەدى.
