استانا قالاسى مادەنيەت باسقارماسىنىڭ باسشىسى, سونداي-اق قازاقستاننىڭ دجيۋ-دجيتسۋ قاۋىمداستىعىنىڭ قۇرمەتتى پرەزيدەنتى جاپونيا استاناسى توكيودا دجيۋ-دجيتسۋدىڭ IBJJF جەلىسى بويىنشا وتكەن ازيا چەمپيوناتىندا قولا جۇلدە يەلەندى.
سونىمەن قاتار قازاقستاننان تاعى 4 سپورتشى حالىقارالىق Asian IBJJF Jiu-Jitsu Championship تۋرنيرىنە قاتىسىپ, ءتۇرلى دارەجەلەردە جۇلدەلەردى الدى.
ازيا چەمپيوناتىنىڭ قورىتىندىسى بويىنشا, قازاقستان قورجىنىندا 2 التىن, 1 كۇمىس جانە قولا مەدال بار. ەڭ ۇزدىك ناتيجە كورسەتىپ, قارسىلاستارىنان باسىم تۇسكەن رۋستام مالاەۆ پەن اسان ءجۇنىسوۆ ازيا چەمپيوندارى اتاندى.
چەمپيوناتتىڭ كۇمىس مەدالىن سانات شاپاشوۆ جەڭىپ الدى. ءوزىنىڭ جوعارى دارەجەدەگى شەبەرلىگىن كورسەتكەن بولات ماجاعۇلوۆ چەمپيوناتتىڭ قولا جۇلدەگەرلەرى اتاندى. جالپى توكيودا IBJJF جەلىسى بويىنشا وتكەن ازيا چەمپيوناتىنا الەمنىڭ بارلىق مەملەكەتتەرىنەن جالپى سانى 900 سپورتشى قاتىستى.
