ماجىلىسكە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى رەكتورىنىڭ الەۋمەتتىك-مادەني دامۋ جونىندەگى پرورەكتورى ديحان قامزابەك ۇلى, الاشتانۋشى, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى «وتىرار» كىتاپحاناسى عىلىمي-زەرتتەۋ ورتالىعىنىڭ ديرەكتورى, ف.ع.د. پروفەسسور تۇرسىن جۇرتباي, ف.ع.د. پروفەسسور, قر ۇعا كوررەسپوندەنت مۇشەسى امانتاي ءشارىپ, الاش ارىسى قوشكە كەمەڭگەر ۇلىنىڭ ۇرپاعى ريزابەك كەمەڭگەر, اقىن, قالامگەر سەرىك سەيتمان, قر ۇعا مۇشە-كوررەسپوندەنتى ف.ع.د. پروفەسسور شەرۋباي قۇرمانباي ۇلى, الاش ارىسى قوشكە كەمەڭگەر ۇلىنىڭ ۇرپاعى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاق ادەبيەتى كافەدراسىنىڭ دوتسەنتى, ف.ع.ك, قايىربەك كەمەڭگەر قاتىستى.
ماجىلىستە ءسوز العان وڭىرلىك جوبالىق كەڭسەنىڭ باسشىسى ب.اشىربەكوۆ ەلباسى باعدارلاماسىنىڭ وڭتۇستىك قازاقستان وبلىسىندا ىسكە اسىرىلۋى جونىندە بايانداما جاساپ, اتقارىلعان جۇمىستارعا توقتالدى.
وڭىردەگى اتقارىلعان جۇمىستارعا قانىققان ل.گۋميلەۆ اتىنداعى ەۋرازيا ۇلتتىق ۋنيۆەرسيەتى رەكتورىنىڭ الەۋمەتتىك-مادەني دامۋ جونىندەگى پرورەكتورى ديحان قامزابەك ۇلى ەلباسىنىڭ «رۋحاني جاڭعىرۋ» باعدارلاماسىنىڭ ماڭىزدىلىعى جايىندا ءسوز قوزعادى. ول سونداي-اق, رەسپۋبليكا كولەمىندە قولعا الىنعان جوبالىق مەنەدجمەنت جۇمىسى بويىنشا وڭتۇستىك قازاقستان وبلىسىنداعى قوعامدىق سانانى جاڭعىرتۋ جوبالىق كەڭسەسى تاراپىنان جۇزەگە اسىرىلىپ جاتقان جۇمىستارعا وڭ باعاسىن بەردى.
«بۇگىندە ەلىمىزدىڭ باسقا ايماقتارىمەن سالىستىرعاندا وڭتۇستىك قازاقستان وبلىسىندا جۇيەلى جۇمىستاردىڭ جاسالىنىپ جاتقانىن بايقاۋعا بولادى. وسى رەتتە وڭتۇستىك قازاقستان وبلىسىنىڭ اكىمى جانسەيىت قانسەيىت ۇلىنىڭ باستاماسىمەن بىرقاتار يگى ىستەر قولعا الىنىپ جاتقانىنا قانىقتىق. وڭىرلىك جوبالىق كەڭسە جۇمىسى دا جولعا قويىلعانىن بايقاۋ قيىن ەمەس» ,- دەدى ديحان قامزابەك ۇلى.
مۇنان سوڭ ءسوز العان ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى «وتىرار» كىتاپحاناسى عىلىمي-زەرتتەۋ ورتالىعىنىڭ ديرەكتورى, ف.ع.د. پروفەسسور تۇرسىن جۇرتباي ۇلىستىڭ ۇيىتقىسىنا اينالعان وڭتۇستىكتىڭ جاقسى قاسيەتتەرى جايلى پايىمدى پىكىرىن ءبىلدىردى.
جيىن بارىسىندا وڭتۇستىك قازاقستان وبلىسى اكىمدىگىنىڭ جانىنان قۇرىلعان جوبالىق كەڭسە قىزمەتكەرلەرى قوناقتارعا باعدارلامالىق ماقالانى جۇزەگە اسىرۋ بويىنشا وزدەرىنىڭ ۇسىنىس, پىكىرلەرىن جەتكىزدى.
