قازاقستاندا پارادزيۋدودان وتەتىن «گران-پري قازاقستان-2017» حالىقارالىق تۋرنيرىنە 50 سپورتشى قاتىسادى. تاتاميگە قازاقستان, رەسەي, گرۋزيا, وزبەكستان, ازەربايجان, قىرعىزستان, اقش جانە كورەيا وكىلدەرى شىعادى. ولار بارلىعى 7 سالماق دارەجەسىندە باق سىناسادى»,-دەدى دزيۋدودان پاراوليمپيادا فەدەراتسياسىنىڭ پرەزيدەنتى قاناتقالي دوساليەۆ.
ول پارادزيۋدودان العاشقى ءتۋرنيردىڭ ەلوردادا ەمەس اتىراۋدان ءوتۋىنىڭ وزىندىك سەبەبى بار ەكەندىگىن ايتادى. قازاقستاندىق پاروليمپيادا سپورتىنىڭ باستاۋىندا سەۋلدە وتكەن دۇنيەجۇزىلىك ويىنداردا ءۇشىنشى ورىن العان اتىراۋلىق سپورتشى ءانۋار ساريەۆ تۇر.
