قازاقستان رەسپۋبليكاسىنىڭ پارلامەنتى ءماجىلىسىنىڭ دەپۋتاتى, بالا قۇقىقتارى بويىنشا وكىلەتتى زاعيپا باليەۆا سەسسياعا مودەراتورلىق ەتتى, دەپ حابارلايدى «قازاقپارات» حاا قر بالا ومبۋدسمەنىنىڭ ءباسپاسوز قىزمەتىنە سىلتەمە جاساپ.
فورۋمعا ومبۋدسمەندەر, ۇلتتىق قۇقىق قورعاۋ مەكەمەلەرىنىڭ وكىلەتتى تۇلعالارى مەن وكىلدەرى, قازاقستان جانە وزبەكستان پارلامەنتتەرىنىڭ دەپۋتاتتارى, سونداي-اق بۇۇ, ەقىۇ, دانيا ادام قۇقىقتارى ينستيتۋتىنىڭ, Penal Reform International ۇيىمىنىڭ ورتالىق ازياداعى ايماقتىق وكىلدىگىنىڭ, كونستيتۋتسيالىق پالاتانىڭ, قىرعىزستان سوت جانە قۇقىق قورعاۋ ورگاندارىنىڭ وكىلدەرى قاتىسۋدا.
زاعيپا باليەۆا قىرعىز رەسپۋبليكاسىنىڭ ومبۋدسمەنىن ادام قۇقىقتارى جونىندەگى وكىل ينستيتۋتىنىڭ 15 جىلدىعىمەن قۇتتىقتاپ, بالا قۇقىقتارى بويىنشا ىنتىماقتاستىقتى كەڭەيتۋگە دايىن ەكەنىن ءبىلدىردى. سەسسيادا بالا قۇقىقتارىن ساقتاۋداعى حالىقارالىق جانە ۇلتتىق ينستيتۋتتاردىڭ ءرولى, قوعامدىق ءومىردىڭ بارلىق سالاسىنداعى بالا قۇقىقتارىن قورعاۋدىڭ جاڭا مەحانيزمدەرى تاقىرىبىندا باياندامالار جاسالدى.
شارادا قازاقستان وكىلى شەتەلدىك ارىپتەستەرىنە ەلىمىزدىڭ بالا قۇقىقتارىن قورعاۋ مودەلىن تانىستىرىپ, ۇستىمىزدەگى جىلدىڭ قاراشاسىندا وتەتىن «بالالارعا باۋىرمال قازاقستان» اتتى حالىقارالىق كونفەرەنتسياعا قاتىسۋعا شاقىردى.
