19 قازان، 2011

مىنەزدى دارىن ءمۇسىنى

183 رەت كورسەتىلدى
نۇرعيسا تىلەنديەۆكە الماتىدا ەسكەرتكىش اشىلدى وسىدان 13 جىل بۇرىن داۋلەسكەر كۇيشى، ۇلى سازگەر نۇرعيسا تىلەن­ديەۆ­تىڭ ومىردەن وتكەنى وزىمىزگە بەلگىلى. ەندى، مىنە، اراعا ءبىر مۇشەل سالىپ كومپوزيتور، ديريجەر، ورىنداۋشى رەتىندە وشپەس ءىز قالدىرعان سۋرەت­كەردىڭ ءمۇسىنى وڭتۇستىك استانانىڭ قاق ورتاسىنان قاسقايىپ ورىن الدى. الماتىداعى فۋرمانوۆ پەن جولداسبەكوۆ كوشەلەرىنىڭ قيىلى­سىنا قو­يىلعان ەسكەرتكىش شابىتتى سازگەر­دىڭ ءوز مىنەزىنەن قۇيىلعان­داي، ءساتتى شىق­­قاندىعىمەن حالىق­تى قۋانتىپ تۇر. ەسكەرتكىشتىڭ اۆتورى مەيىرمان ازماعانبەتوۆتىڭ ايتۋىنشا، ءمۇسىن ەكى اي ىشىندە جاسالعان. «مەن ۇلى تۇلعا­نىڭ تالانتىنا تابىنۋشىلار­دىڭ ءبىرىمىن. سوندىقتان، ءمۇسىندى ەرەكشە ءبىر شا­بىتپەن، بار ىقىلا­سىم­مەن جاسا­دىم»، – دەيدى ول. ەسكەرتكىشتە دارىندى تۇلعانىڭ ساحنادا شابىتى شالقىپ تۇرعان ءساتى بەينەلەنگەن. ەڭسەلى ەسكەرتكىشكە قاراپ تۇرىپ قازاق­تىڭ ءبىرتۋار ونەرپازى قانابەك باي­سەيىتوۆتىڭ: «نۇرعيسانىڭ تۇلا بويى تولعان دىبىس قوي، ونىڭ دەنەسىنەن ءبىر جاپىراق ەتتى ءۇزىپ الىپ، لاقتىرىپ تاستاساڭ، ول ەكەش وعان دەيىن بۇلكىلدەپ، ولەڭ ايتىپ جاتادى» دەگەنى ەسكە تۇسەدى. ەسكەرتكىشتىڭ اشىلۋ سالتاناتىن­دا قوعام قايراتكەرلەرى، اقىن-جازۋ­شىلار مەن ونەر شەبەرلەرى، سونىمەن قاتار، كومپوزيتوردىڭ شاكىرتتەرى مەن تۋعان-تۋىستارى بولدى. جينال­عان جۇرتشى­لىق الدىندا الماتى قالاسىنىڭ اكىمى احمەتجان ەسىموۆ ۇلى سازگەردىڭ ۇلت­تىق مۋزىكاعا ءسىڭىر­گەن ەڭبەگىن سارالاپ ءوتتى. – نۇرعيسا تىلەنديەۆ قازاق كۇي­لەرى مەن اندەرىنىڭ دامۋىنا ۇلەس قوس­قان ونەر يەسى عانا ەمەس، ول ونەر­دىڭ الەمدىك تەورياسىن جانە تاري­حىن تەرەڭ زەرتتەگەن تۇلعا. سوندىق­تان دا، ونىڭ شىعارمالارىندا ۇلت­تىق اۋەن­دەر مەن كلاسسيكالىق مۋ­زىكا جاقسى ۇيلەسىم تاپقان. ونىڭ مۋزىكالىق تۋىندىلارى­نا كوپتەگەن شەتەلدىك ماماندار تاڭداي قاعاتىن. نۇرعيسا ءتى­لەن­ديەۆتىڭ مۇرا­لارىن سوزبەن ولشەپ، ساناۋ مۇمكىن ەمەس. ول قازاق مۋزى­كا­سىن بيىك دەڭ­گەيگە كوتەردى، – دەدى. شىعارماشىلىق عۇمىرىندا 500-دەن استام مۋزىكالىق ءتول تۋىن­دى­لاردى تۋدىرعان نۇرعيسا تىلەنديەۆ­تىڭ جارى داريعا تىلەنديەۆا دا كوپ الدىنا شىعىپ: – ديريجەرلىك ەتىپ تۇرعاندا نۇر­عيسا ەرەكشە رۋحتانىپ كەتەتىن. ءمۇسىن­دە سول رۋح قاتتى بايقالادى. ەسكەرتكىش كوڭىلىمنەن شىقتى، – دەپ اعىنان جارىلدى. ءبىر ايتا كەتەتىن جايت، وتكەن جىل­دارى كوپ قىرلى، الۋان سىرلى استا- توك دارىنعا تاراز جانە تالدىقورعان قالالارىندا ەسكەرتكىش ورناتىلعا­نىن ايتا كەتسەك دەيمىز. ايناش ەسالي، الماتى. سۋرەتتى تۇسىرگەن  ايتجان سالىق ۇلى.
سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار