بقو اكىمىنىڭ ءباسپاسوز قىزمەتىنەن تۇسكەن مالىمەتكە قاراعاندا, قادىربولات مۇساعاليەۆ 38 جاستا. ءبىلىمى جوعارى. 2002 جىلى داۋلەتكەرەي اتىنداعى باتىس قازاقستان ونەر ينستيتۋتىن, 2010 جىلى ەۋرازيا اكادەمياسىن تامامداعان.
ق.مۇساعاليەۆ ەڭبەك جولىن 2002 جىلى ورال قالاسىنداعى جاستار شىعارماشىلىعى ورتالىعىنىڭ ءارتىسى بولىپ باستادى. 2005-2009 جىلدارى - ع.قۇرمانعاليەۆ اتىنداعى وبلىستىق فيلارمونيانىڭ رەجيسسەرى, 2011-2013 جىلدارى - استانا قالاسىنداعى «بەيبىتشىلىك جانە كەلىسىم سارايى» باس ديرەكتورىنىڭ ورىنباسارى, 2013-2014 جىلدارى - «استانالىق كونتسەرت كومپانياسى» مەكەمەسىنىڭ ءبولىم مەنەدجەرى, 2014-2015 جىلدارى ەلورداداعى «كينوبەينە جالعا بەرۋ ديرەكتسياسى» جشس ديرەكتورىنىڭ مىندەتىن اتقارۋشى بولدى. ال 2015 جىلدان باستاپ بۇگىنگە دەيىن ع.قۇرمانعاليەۆ اتىنداعى وبلىستىق فيلارمونيا ديرەكتورى قىزمەتىن اتقارىپ كەلدى.
