سۋرەت: tjournal.ru
باسىلىم كورسەتىلىمنىڭ كۇنىن كومپانيادان بۇرىن جاريالادى. WSJ دەرەككوزدەرىنىڭ حابارلاۋىنشا, شارا بەيسەنبى كۇنى 12 قىركۇيەكتە وتەدى. بۇعان دەيىن Mac4Ever باسىلىمى دا وسى كۇندى ايتقان ەدى.
Apple جاڭا قۇرىلعىلاردىڭ تانىستىرىلىمىن كومپانيانىڭ نەگىزىن قالاۋشى ستيۆ دجوبسقا ارنالعان جاڭا زالدا وتكىزگىسى كەلەدى. جوسپار بويىنشا ونىڭ سىيىمدىلىعى 1000 ادامعا دەيىن. الايدا زالدىڭ قۇرىلىسى اياقتالماعان. سول سەبەپتى كورسەتىلىم ۋاقىتى شەگەرىلۋى مۇمكىن.
باسىلىمنىڭ مالىمدەۋىنشە, شارا بارىسىندا راماسىز ەكرانى مەن شىنى كورپۋسى بار iPhone 8, iPhone 7s جانە iPhone 7s Plus تانىستىرىلىمى بولادى.سونىمەن قاتار, Apple Watch ساعاتى جاڭا مودەلىنىڭ ۇسىنىلۋى كۇتىلۋدە. رەسمي ەمەس مالىمەتتەرگە سەنسەك, ساعاتتىڭ جەكە SIM-كارتاسى بولادى.
The New York Times باسىلىمى جاڭا iPhone 8 قۇنى ادەتتەگىدەن جوعارى بولاتىنىن حابارلاعان. اقش-تا باعاسى 999 دوللار (iPhone 7 Plus 769 دوللار) كولەمىندە بولادى. سالىستىرمالى تۇردە Samsung Galaxy Note 8 اقش-تا 1100 دوللار تۇرادى.
ايتا كەتەيىك, Apple 10 جىلدىق مەرەيتويىنا ارناپ تاريحىنداعى ەڭ ۇلكەن iPhone شىعارادى دەگەن اقپارات راستالدى. ال وتكەن اپتادا تيم كۋك Twitter-دە Apple زاۋىتتارىنىڭ بىرىنە ساپارىنان سۋرەتىن جاريالانعان بولاتىن. الەۋمەتتىك جەلىنىڭ قولدانۋشىلارى كورپوراتسيا باسشىسىنىڭ قالتاسىندا iPhone 8 تۇر دەپ بولجاپ جاتىر.
سونىمەن قاتار, 15 ماۋسىمدا عالامتوردا Foxconn زاۋىتىنان iPhone 8 قۇراستىرىلىپ جاتقان ۆيدەو جاريالاندى.
