نازارباەۆ قر سوت جۇيەسi جونىندەگى ەرەجەلەردi بەكiتۋ تۋرالى جارلىعىنا وزگەرىستەر ەنگىزدى

«قازاقستان رەسپۋبليكاسىنىڭ سوت جۇيەسi مەن سۋديالارىنىڭ مارتەبەسi تۋرالى» قازاقستان رەسپۋبليكاسىنىڭ كونستيتۋتسيالىق زاڭىندا كوزدەلگەن ەرەجەلەردi بەكiتۋ تۋرالى» قازاقستان رەسپۋبليكاسى پرەزيدەنتىنىڭ 2001 جىلعى 26 ماۋسىمداعى № 643 جارلىعىنا وزگەرىستەر مەن تولىقتىرۋلار ەنگىزۋ تۋرالى

قاۋلى ەتەمىن:

1. «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىندا كوزدەلگەن ەرەجەلەردى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2001 جىلعى 26 ماۋسىمداعى № 643 جارلىعىنا مىناداي وزگەرىستەر مەن تولىقتىرۋلار ەنگىزىلسىن:

1-تارماقتىڭ 4) تارماقشاسى الىپ تاستالسىن;

جوعارىدا اتالعان جارلىقپەن بەكىتىلگەن سۋديالىققا كانديداتتىڭ تاعىلىمدامادان ءوتۋى تۋرالى ەرەجەدە:

3-تارماق مىناداي مازمۇنداعى ءۇشىنشى بولىكپەن تولىقتىرىلسىن:

«سۋديا لاۋازىمىنان وكىلدى ورگاندارداعى مەملەكەتتىك لاۋازىمعا سايلانعان نە تاعايىندالعان, سونداي-اق سۋديا لاۋازىمىنان سوت تورەلىگىن ۇيىمدىق قامتاماسىز ەتۋگە تىكەلەي بايلانىستى لاۋازىمعا تاعايىندالعان ادامدارعا تاعىلىمدامادان ءوتۋ تالاپ ەتىلمەيدى.»;

5-تارماقتىڭ 1) تارماقشاسى مىناداي رەداكتسيادا جازىلسىن:

«1) وتىز جاسقا تولعان;»;

13-تارماقتىڭ 2) تارماقشاسى مىناداي رەداكتسيادا جازىلسىن:

«2) تاراپتاردىڭ قۇقىقتارى مەن مىندەتتەرى, ونىڭ ىشىندە تاعىلىمداماشى-كانديداتتىڭ تاعىلىمدامادان ءوتۋدىڭ الدىندا ورنالاسۋعا نيەت بىلدىرگەن سوتتارداعى سۋديالاردىڭ بوس لاۋازىمدارىنا ارنالعان كونكۋرسقا جالپى وتىرىستىڭ وڭ قورىتىندىسىنىڭ قولدانىسى كەزەڭىندە قاتىسۋ جانە ءتيىستى بوس لاۋازىمدارعا كونكۋرسقا قاتىسۋدان باس تارتقان جاعدايدا, وعان جۇمسالعان مەملەكەتتىك قاراجاتتى قايتارۋ مىندەتى قامتىلۋى ءتيىس;»;

جوعارىدا اتالعان جارلىقپەن بەكىتىلگەن سوت ءجيۋريى تۋرالى ەرەجەدە:

25-تارماق مىناداي رەداكتسيادا جازىلسىن:

«25. سوت ءجيۋريىنىڭ توراعاسى ناقتى ماتەريالدار بويىنشا بايانداماشىنى جانە ماتەريالداردى قاراۋ كۇنىن بەلگىلەيدى.

سۋديانىڭ كاسىبي قىزمەتىن باعالاۋدى جۇرگىزۋ باستالعانعا دەيىن سوت ءجيۋريىنىڭ بىلىكتىلىك كوميسسياسى قاجەت بولعان كەزدە قوسىمشا تەكسەرۋ جۇرگىزەدى, ونى سوت ءجيۋريىنىڭ توراعاسى بىلىكتىلىك كوميسسياسى مۇشەلەرىنىڭ بىرىنە تاپسىرادى, قوسىمشا قۇجاتتار مەن ماتەريالدار, ونىڭ ىشىندە قارالۋى كەزىندە زاڭ بۇزۋعا جول بەرىلگەن سوت ىستەرى سۇراتىلادى.

جۇمىس ىستەپ جۇرگەن سۋديانىڭ كاسىبي قىزمەتىن مەرزىمدى باعالاۋ كەزىندە بىلىكتىلىك كوميسسياسى سۋديانىڭ جۇمىسىن سوت وتىرىسىنا قاتىسۋشىلاردىڭ باعالاۋى بويىنشا تالداۋ ناتيجەلەرىن قوسىمشا سۇراتادى.

سۋديانىڭ جۇمىسىنا باعالاۋ قازاقستان رەسپۋبليكاسى جوعارعى سوتىنىڭ توراعاسى بەلگىلەگەن ادىستەمەنىڭ نەگىزىندە جۇرگىزىلەدى.»;

30-تارماقتا:

2) تارماقشا مىناداي رەداكتسيادا جازىلسىن:

«2) جوعارى تۇرعان ساتىداعى سۋديانىڭ, سوت توراعاسىنىڭ, سوت القاسى توراعاسىنىڭ لاۋازىمىنا تاعايىنداۋعا ۇسىنىم جاساۋ;»;

4) تارماقشا مىناداي رەداكتسيادا جازىلسىن:

«4) باسقا سوتقا, باسقا ماماندانۋعا اۋىستىرۋ تۋرالى;»;

مىناداي مازمۇنداعى 6) تارماقشامەن تولىقتىرىلسىن:

«6) جوعارى تۇرعان ساتىداعى سۋديانىڭ, سوت توراعاسىنىڭ, سوت القاسى توراعاسىنىڭ لاۋازىمىنا تاعايىنداۋعا ۇسىنىم بەرۋدەن باس تارتۋ.»;

ەكىنشى ابزاتس مىناداي رەداكتسيادا جازىلسىن:

«سوت ءجيۋريى بىلىكتىلىك كوميسسياسىنىڭ وسى تارماقتىڭ 2), 3) جانە 6) تارماقشالارىندا كوزدەلگەن شەشىمدەرى ۇسىنىمدىق سيپاتتا بولادى.»;

31-تارماق مىناداي رەداكتسيادا جازىلسىن:

«31. سوت ءجيۋريىنىڭ بىلىكتىلىك كوميسسياسىنىڭ كاسىبي قىزمەتتى مەرزىمدى باعالاۋدىڭ ناتيجەلەرى بويىنشا سۋديانى كاسىبي جارامسىزدىعىنا وراي اتقاراتىن لاۋازىمىنا ساي كەلمەيدى دەپ تانۋ تۋرالى شەشىمى جوعارعى سوت توراعاسىنىڭ سۋديانى اتقاراتىن قىزمەتىنەن بوساتۋ تۋرالى ۇسىنۋدى جوعارى سوت كەڭەسىنە ەنگىزۋىنە نەگىز بولىپ تابىلادى.

سوت ءجيۋريىنىڭ بىلىكتىلىك كوميسسياسىنىڭ كاسىبي قىزمەتتى مەرزىمدى باعالاۋدىڭ ناتيجەلەرى بويىنشا سۋديانى باسقا سوتقا اۋىستىرۋ تۋرالى شەشىمى  جوعارعى سوت توراعاسىنىڭ سۋديانى باسقا سوتقا اۋىستىرۋ تۋرالى ۇسىنۋدى, ال اۋىسۋدان باس تارتقان جاعدايدا سۋديانى اتقاراتىن قىزمەتىنەن بوساتۋ تۋرالى ۇسىنۋدى جوعارى سوت كەڭەسىنە ەنگىزۋىنە نەگىز بولىپ تابىلادى.»;

33, 34 جانە 35-تارماقتار مىناداي رەداكتسيادا جازىلسىن:       

«33. سوت ءجيۋريىنىڭ بىلىكتىلىك كوميسسياسى شەشىمدەردى قورىتىندىلار مەن حاتتامالىق شەشىم نىسانىندا قابىلدايدى. بىلىكتىلىك كوميسسياسى مۇشەلەرىنىڭ داۋىس بەرۋدەن قالىس قالۋعا قۇقىعى جوق. شەشىم كوپشىلىك داۋىسپەن قابىلدانادى. داۋىستار تەڭ تۇسكەن جاعدايدا وزىنە قاتىستى ماتەريالدار قارالىپ وتىرعان سۋديانىڭ جاعدايىن جاقسارتاتىن شەشىم قابىلداندى دەپ ەسەپتەلەدى. بىلىكتىلىك كوميسسياسىنىڭ مۇشەسى قابىلدانىپ وتىرعان شەشىممەن كەلىسپەگەن جاعدايدا ەرەكشە پىكىرىن جازباشا كورسەتۋگە قۇقىلى, ول بىلىكتىلىك كوميسسياسى وتىرىسىنىڭ حاتتاماسىنا قوسا تىركەلەدى.

سۋديانى اتقاراتىن لاۋازىمىنا ساي دەپ تانۋ تۋرالى شەشىم, جوعارى تۇرعان ساتىداعى سۋديا, سوت توراعاسى, سوت القاسىنىڭ توراعاسى لاۋازىمىنا تاعايىنداۋعا, جوعارى تۇرعان لاۋازىمعا (جوعارى تۇرعان سوت ساتىسىنا) كادر رەزەرۆىنە قويۋعا ۇسىنىمدار حاتتامالىق شەشىم نىسانىندا رەسىمدەلەدى.

حاتتاماعا وتىرىستا توراعالىق ەتۋشى مەن بىلىكتىلىك كوميسسياسىنىڭ حاتشىسى قول قويادى.

سوت ءجيۋريى بىلىكتىلىك كوميسسياسىنىڭ جوعارى تۇرعان ساتىداعى سۋديانىڭ, سوت توراعاسىنىڭ, سوت القاسى توراعاسىنىڭ لاۋازىمىنا كونكۋرسقا قاتىسۋعا نيەت بىلدىرگەن سۋديانىڭ كاسىبي قىزمەتىن باعالاۋ تۋرالى شەشىمى قابىلدانعان كۇنىنەن باستاپ ءبىر جىل ىشىندە جارامدى بولادى.

سۋديانى كاسىبي جارامسىزدىعىنا وراي اتقاراتىن قىزمەتىنە ساي كەلمەيدى دەپ تانۋ تۋرالى, باسقا سوتقا, باسقا ماماندانۋعا اۋىستىرۋ تۋرالى, جوعارى تۇرعان ساتىداعى سۋديانىڭ, سوت توراعاسىنىڭ, سوت القاسى توراعاسىنىڭ لاۋازىمىنا تاعايىنداۋعا ۇسىنىم بەرۋدەن باس تارتۋ تۋرالى شەشىم, قابىلدانعان شەشىمنىڭ نەگىزدەمەسى كورسەتىلىپ, قورىتىندى نىسانىندا رەسىمدەلەدى.

سوت ءجيۋريى بىلىكتىلىك كوميسسياسىنىڭ سۋديانى كاسىبي جارامسىزدىعىنا وراي اتقاراتىن قىزمەتىنە ساي كەلمەيدى دەپ تانۋ تۋرالى, باسقا سوتقا, باسقا ماماندانۋعا اۋىستىرۋ تۋرالى, جوعارى تۇرعان ساتىداعى سۋديانىڭ, سوت توراعاسىنىڭ, سوت القاسى توراعاسىنىڭ لاۋازىمىنا تاعايىنداۋعا ۇسىنىم بەرۋدەن باس تارتۋ تۋرالى قورىتىندىسىنا ماتەريالدى قاراۋعا قاتىسقان سوت ءجيۋريى بىلىكتىلىك كوميسسياسىنىڭ بارلىق مۇشەلەرى قول قويادى.

34. سوت ءجيۋريى بىلىكتىلىك كوميسسياسىنىڭ سۋديا جۇمىسىنىڭ ءبىر جىلدىق مەرزىمى وتكەننەن كەيىنگى ناتيجەلەرى تۋرالى شەشىمىنىڭ كوشىرمەسى قاراۋعا تۇسكەن ماتەريالمەن بىرگە, سونداي-اق سۋديانى كاسىبي جارامسىزدىعىنا وراي اتقاراتىن قىزمەتىنە ساي كەلمەيدى دەپ تانۋ تۋرالى, باسقا سوتقا, باسقا ماماندانۋعا اۋىستىرۋ تۋرالى شەشىمنىڭ كوشىرمەسى, كەيىننەن قازاقستان رەسپۋبليكاسىنىڭ جوعارى سوت كەڭەسىنە ۇسىنۋ ءۇشىن قازاقستان رەسپۋبليكاسى جوعارعى سوتىنىڭ توراعاسىنا جىبەرىلەدى.

35. سوت ءجيۋريىنىڭ بىلىكتىلىك كوميسسياسى حاتتامالىق شەشىمىنىڭ كوشىرمەسى ءتيىستى وبلىستىق سوتقا جىبەرىلەدى. سوت ءجيۋريى بىلىكتىلىك كوميسسياسىنىڭ سۋديانى كاسىبي جارامسىزدىعىنا بايلانىستى اتقاراتىن قىزمەتىنە سايكەس كەلمەيدى دەپ تانۋ تۋرالى, باسقا سوتقا, باسقا ماماندانۋعا اۋىستىرۋ تۋرالى, جوعارى تۇرعان ساتىداعى سۋديانىڭ, سوت توراعاسىنىڭ, سوت القاسى توراعاسىنىڭ لاۋازىمىنا تاعايىنداۋعا ۇسىنىم بەرۋدەن باس تارتۋ تۋرالى قورىتىندىسىنىڭ كوشىرمەلەرى وزىنە قاتىستى شەشىم قابىلدانعان سۋدياعا, سونداي-اق ءتيىستى وبلىستىق سوتقا جىبەرىلەدى.»;

44-تارماق مىناداي رەداكتسيادا جازىلسىن:

«44. ەگەر جەكە جانە زاڭدى تۇلعالار سۋديانىڭ ءىس-ارەكەتتەرىنە شاعىمدانۋدىڭ بارلىق قولدا بار وزگە تاسىلدەرىن پايدالانعان بولسا, ولاردىڭ وتىنىشتەرى سۋدياعا قاتىستى ماتەريالداردى سوت ءجيۋريىنىڭ تارتىپتىك كوميسسياسىندا قاراۋعا نەگىز بولىپ تابىلادى.

سۋديانىڭ ءىس-ارەكەتتەرىنە شاعىمدانۋدىڭ قولدا بار تاسىلدەرى دەپ جەكە جانە زاڭدى تۇلعالاردىڭ وتىنىشتەرىن سوتتاردىڭ جوعارى تۇرعان لاۋازىمدى ادامدارىنىڭ, سۋديالار قاۋىمداستىعى ورگاندارىنىڭ زاڭدا بەلگىلەنگەن تارتىپپەن قاراۋى تۇسىنىلەدى.

 جەكە جانە زاڭدى تۇلعالاردىڭ وتىنىشتەرى بويىنشا تەكسەرۋدى سوت ءجيۋريىنىڭ مۇشەسى ۋاكىلەتتى ورگانمەن بىرلەسىپ جۇرگىزەدى.».

2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

            پرەزيدەنتى                                                                              ن.نازارباەۆ

استانا, اقوردا, 2017 جىلعى 28 تامىز

                  № 535