كەنتاۋ وسى يگىلىكتى ىسكە جان-جاقتى دايىن. بۇگىندە شاھار اۋماعىندا تابيعي گازدى تاراتاتىن ستانسا مەن ماگيسترالدى قۇبىردىڭ جۇمىسى اياقتالىپ قالدى. تۇركىستاننان تارتىلعان گاز قۇبىرى ازىرەت-سۇلتان مۇراجايىنداعى اتاقتى تايقازان قۇيىلعان قارناق اۋىلىنا دا جەتتى. مەردىگەر «شىمكەنت-گاز» سەرىكتەستىگى مونتاجداۋ جۇمىستارىن اياقتاۋعا جاقىن.
كوگىلدىر وتىننىڭ قالاعا كىرۋى الىپ كاسىپورىندار مەن شاعىن جانە ورتا كاسىپتىڭ وركەندەۋىنە جول اشادى.
جالپى, كەنتاۋدا ەڭ ۇلكەن پروبلەما – قىس كەزىندە جىلۋدىڭ جەتكىلىكسىزدىگى بولاتىن. ورتالىق جەو-نى جىل سايىن مول قارجى سالىپ لەكەرلەگەنىمەن الىپ قازاندىقتارعا كومىر جەتكىزە الماي پۇشايمان بولىپ وتىراتىن ەدى. ەندى قۇداي قالاسا, مونوقالا حالقى قىس كەزىندەگى بۇرسەڭدەپ توڭعاندارىن جايسىز تۇستەي عانا كورەتىن كۇيگە جەتەدى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
