العاشقى رەت اۋە كومپانياسى IOSA اۋديتىنەن 2007 جىلى وتكەن بولاتىن. ودان كەيىن ءار ەكى جىل سايىن 2009, 2011, 2013, 2015 جىلدارى سەرتيفيكاتسيادان وتكەن. كەلەسى اۋديت 2019 جىلعا جوسپارلاندى. IOSA ەكسپلۋاتاتسيالىق قاۋىپسىزدىك بويىنشا اۋديت – بۇل اۋە كومپانيالارىنىڭ ءوندىرىستى باسقارۋ جانە باقىلاۋ جۇيەلەرىن باعالاۋ ءۇشىن بەلگىلەنگەن حالىقارالىق تەكسەرۋ جۇيەسى بولىپ تابىلادى.
سوڭعى اۋديت بارىسىندا قۇجاتتاردى تاۋەلسىز تەكسەرۋ جۇمىستارى جۇرگىزىلدى جانە اۋە تاسىمالداۋشىسىنىڭ بارلىق قىزمەت سالاسى بويىنشا 1000-عا جۋىق IOSA ستاندارتتارى ورىندالدى. بۇل ستاندارتتارعا كورپوراتيۆتىك ۇيىمداستىرۋ جانە باقىلاۋ جۇيەلەرى, ۇشۋ ساپارلارىنىڭ ورىندالۋى, ۇشۋدى باسقارۋ جانە ديسپەتچەرلىك قىزمەت, ۇشاقتارعا تەحنيكالىق جانە جەردەگى قىزمەت كورسەتۋ, بورتتىق كۇتىم, جۇك وپەراتسيالارى جانە اۆياتسيالىق قاۋىپسىزدىك جاتادى. «قاۋىپسىزدىك اۋە كومپانياسىنىڭ باستى باسىمدىلىعى جانە IOSA ءاۋديتىنىڭ ناتيجەلەرى اۋە كومپانياسىنداعى قاۋىپسىزدىكتىڭ ەڭ جوعارعى حالىقارالىق ستاندارتتارعا سايكەس ەكەندىگىنىڭ جانە ونى قامتاماسىز ەتۋگە كوپ كوڭىل بولەتىندىگىنىڭ ايعاعى بولىپ تابىلادى», دەپ اتاپ كورسەتتى «ەير استانا» اق پرەزيدەنتى پيتەر فوستەر.
