ءىس-شاراعا گرۋزيا جوعارعى سوتىنىڭ توراعاسى نينو گۆەنەتادزە, جوعارعى سوتتىڭ سوت القالارىنىڭ توراعالارى, جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىلىعى, سونىمەن قاتار احقو وكىلدەرى قاتىستى.
ق.ءمامي ءىس-شارانى اشىپ, ۇلت جوسپارىن ىسكە اسىرۋ شەڭبەرىندە احقو ءوز جۇمىسىن 2018 جىلعى قاڭتاردان باستايتىنىن اتاپ ءوتتى. ونىڭ اۋماعىندا حالىقارالىق دەڭگەيدەگى سۋديالاردى تارتا وتىرىپ, اعىلشىن قۇقىعىنا نەگىزدەلگەن سوت جۇمىس ىستەيتىن بولادى. ءوزارا ءىس-قيمىل ماسەلەلەرى بويىنشا جوعارعى سوت سۋديالارىنىڭ حالىقارالىق ورتالىعى باسشىلىعىمەن جانە ونىڭ جەتەكشى شەتەلدىك كونسۋلتانتتارىمەن بىرقاتار كەزدەسۋلەر وتكىزگەندىگى اتاپ ءوتىلدى.
ءىس-شارا بارىسىندا مەموراندۋمنىڭ ماڭىزدىلىعى, سونىمەن قاتار جوعارعى سوت پەن احقو اراسىنداعى ىنتىماقتاستىق تۋرالى انگليا جانە ۋەلستىڭ بۇرىنعى جوعارعى سۋدياسى لورد گەرري ۆۋلف جانە احقو باسقارۋشىسى قايرات كەلىمبەتوۆ ءسوز سويلەدى.
مەموراندۋم قازاقستانداعى قۇقىق ۇستەمدىگىن قامتاماسىز ەتۋگە جانە سوت تورەلىگىن جەتىلدىرۋگە, سونىمەن قاتار سوت ءبىلىمى سالاسىنداعى ءىس-شارالارعا باعىتتالعان بىرلەسكەن باستامالاردى ىسكە اسىرۋ كەزىندە جوعارعى سوت پەن احقو اراسىنداعى ءوزارا ءىس-قيمىلدىڭ نەگىزگى باعىتتارى مەن نىساندارىن ايقىندايدى.
سوڭىندا جوعارعى سوتتىڭ توراعاسى ۇلىبريتانيانىڭ بۇرىنعى جوعارعى سۋدياسى لورد ۆۋلفقا احقو قالىپتاسۋىنا كورسەتكەن كومەگى ءۇشىن العىسىن ءبىلدىردى.
