بارلىق قالالىق, اۋداندىق كەڭەستەرگە حاتتار جىبەرىلىپ, ساپارلاردى ۇيىمداستىرۋ جونىندە ۇسىنىستار ايتىلدى. ەرتە قولعا الىنعان ازىرلىك جۇمىستارى ءوزىنىڭ يگى ناتيجەلەرىن بەردى. كۇنى بۇگىن وبلىستىڭ قالا, اۋداندارىنان قۇرامىندا 300-گە جۋىق ارداگەرلەردى قامتىعان 13 توپ اسەم قالا استانادا بولىپ, ەكسپو-2017 كورمەسىنە قاتىسىپ قايتتى. ولار كورمەنىڭ عاجايىپتارىن تاماشالاپ قانا قويماي, استانامىزدىڭ ساۋلەتتى الەۋمەتتىك, مادەني نىساندارىمەن, ۇمىتىلماس ەسكەرتكىشتەرىمەن تانىستى.
تامىز ايىنىڭ 13-19-ى اراسىندا ەكسپو-2017 كورمەسىنە اتىراۋ وبلىسى اكىمدىگىنىڭ كاسىپكەرلىك جانە يندۋستريالىق-يننوۆاتسيالىق دامۋ باسقارماسى مەن وبلىستىق كەڭەس ۇيىمداستىرعان ساپارعا بارعان ارداگەرلەر توبىنىڭ قۇرامىنا 26 ەڭبەك ارداگەرى كىردى. ولاردىڭ اراسىندا ونەركاسىپ, اۋىل شارۋاشىلىعى, كولىك, دەنساۋلىق ساقتاۋ, ءبىلىم بەرۋ, بيۋدجەتتىك سالا ارداگەرلەرى بولدى, بۇرىنعى ەڭبەك ەتكەن مەكەمەلەرى تاراپ كەتكەن ارداگەرلەر دە نازاردان تىس قالعان جوق. ارداگەرلەر ءۇشىن اتىراۋ-استانا-اتىراۋ باعىتىندا ارناۋلى ۆاگون ءبولىندى.
كورمەدە ارداگەرلەرگە اسىرەسە, قازاقستاننىڭ «نۇر الەم» پاۆيلونى ۇمىتىلماس اسەر قالدىردى. عالامشاردىڭ ءىشى ەرتەگى الەمىندەي بولدى. تۋعان ەلىمىزدىڭ بولاشاعىنا دەگەن ۇلكەن سەنىمگە بولەنگەنىمىزدى جاسىرا المايمىز.
رەسەي فەدەراتسياسى, گەرمانيا فەدەراتيۆتىك رەسپۋبليكاسى, ارگەنتينا رەسپۋبليكاسى, موناكو كنيازدىعى, نيدەرلاند كورولدىگى, فرانتسيا رەسپۋبليكاسى, افريكا مەملەكەتتەرى, ورتالىق ازيا رەسپۋبليكالارىنىڭ پاۆيلوندارى ارداگەرلەرگە جاقسى اسەر قالدىردى. كورمە قىزمەتكەرلەرى ارداگەرلەردى ەرەكشە ريزاشىلىققا بولەدى.
اتىراۋلىق ارداگەرلەر تەك كورمەنى تاماشالاۋمەن شەكتەلىپ قانا قويماي, استانامىزدىڭ «بايتەرەك», «قازاق ەلى» مونۋمەنتتەرىن, «حازىرەت سۇلتان» مەشىتىن, كەنەسارى حان ەسكەرتكىشىن, بەيبىتشىلىك پەن كەلىسىم سارايىن, جاڭا كورىكتى اۋداندارىن ارالاۋعا مۇمكىندىك الدى.
اسىرەسە, كورمەگە ارناۋلى جاساقتالعان «ەتنواۋىل» كەشەنى ءوزىنىڭ تاريحي ەرەكشەلىگىمەن, ۇلتتىق قۇندىلىقتارمەن كوزدىڭ جاۋىن الدى. ارداگەرلەر ماڭعىستاۋ وبلىسى كۇندەرىنىڭ اشىلۋىنا قاتىسىپ, قازىنالى ولكەنىڭ قولونەر شەبەرلەرىنىڭ قولىنان شىققان جاۋھار دۇنيەلەرمەن تانىستى.
قوعام قايراتكەرى ن.ابدولوۆا, ەڭبەك ارداگەرلەرى ق.وڭعارسىنوۆ, ب.اميروۆ, ە.جاكيەۆ, ر.وسپانوۆ, گ.ياسكو جانە باسقالارى ارداگەرلەردىڭ بيىك مارتەبەلى كورمەگە بارۋىنا جان-جاقتى قولداۋ كورسەتكەن وبلىس اكىمى ن.نوعاەۆقا ەرەكشە ريزاشىلىقتارىن ءبىلدىردى.
اتىراۋلىق ارداگەرلەر ءۇشىن وسىنداي ساپارلاردى قالا, اۋدان اكىمدەرى, «نكوك», «تشو» كومپانيالارى دا ۇيىمداستىرىپ وتىرعانىن ريزاشىلىق سەزىممەن اتاپ وتكىمىز كەلەدى.
سەرىك مۇحامبەتوۆ,
اتىراۋ وبلىستىق ارداگەرلەر كەڭەسى توراعاسىنىڭ ورىنباسارى
