اۋماقتىق سايلاۋ كوميسسيالارىنىڭ مالىمەتتەرىنە سايكەس, سايلاۋ ناۋقانىندا اۋىل اكىمىنە 4 059 كانديدات ۇسىنىلىپ, ولاردىڭ 3 951-ءى تىركەۋدەن وتكەن, 4-24 تامىز ارالىعىنداعى سايلاۋدا بارلىعى 1 416 اۋىل اكىمى سايلاندى. تاراتىپ ايتقاندا, اقمولا وبلىسىندا – 136, اقتوبە وبلىسىندا – 77, الماتى وبلىسىندا – 129, اتىراۋ وبلىسىندا – 48, شىعىس قازاقستان وبلىسىندا – 134, جامبىل وبلىسىندا – 89, باتىس قازاقستان وبلىسىندا – 95, قوستاناي وبلىسىندا – 137, قاراعاندى وبلىسىندا – 129, قىزىلوردا وبلىسىندا – 72, ماڭعىستاۋ وبلىسىندا – 26, پاۆلودار وبلىسىندا – 98, سولتۇستىك قازاقستان وبلىسىندا – 138 جانە وڭتۇستىك قازاقستان وبلىسىندا 108 اۋىل اكىمى سايلاندى. ال اقتوبە وبلىسىنداعى ءبىر اۋىلدىق وكرۋگتە 20 قىركۇيەكتە قايتادان سايلاۋ وتەدى.
سايلاۋدىڭ ۇيىمداستىرىلۋى مەن وتكىزىلۋىن 14 وبلىستىق, 28 قالالىق جانە 160 اۋداندىق اۋماقتىق سايلاۋ كوميسسياسى قامتاماسىز ەتتى. اكىمدىك قىزمەتكە 1 264 (89,3%) ەر, 152 (10,7%) ايەل ادام سايلاندى. اكىمدەردىڭ ورتا جاس كورسەتكىشى 49,9 جاستى قۇرايدى. سونداي-اق, اكىمدەردىڭ باسىم بولىگى 45 جاس پەن 55 جاستىڭ ارالىعىندا. مۇنى وسىنىڭ الدىنداعى سايلاۋ-
مەن سالىستىرعاندا جاس كورسەتكىشى 3 جىلعا ۇلعايعان. ەڭ جاس اكىم 25 جاستا, ول وڭتۇستىك قازاقستان وبلىسىنان سايلانعان.
سايلانعان اكىمدەردىڭ اراسىندا اۋىل شارۋاشىلىعى بويىنشا ماماندار سانى 15,5%-دان 21,1%-عا ارتىپ وتىر, بۇل وتكەن سايلاۋعا قاراعاندا 6,6%-عا وسكەنىن كورسەتەدى. بارلىق سايلانعان اكىمدەردىڭ قاتارىندا 370 پەداگوگ, 234 ەكونوميست, 225 ينجەنەر, 172 زاڭگەر بار. سايلاۋعا بۇرىنعى اكىمدەردىڭ 957-ءسى كانديتات رەتىندە قاتىستى. ناۋقان بارىسىندا بارلىق دەڭگەيدەگى سايلاۋ كوميسسيالارىنا جەكە جانە زاڭدى تۇلعالاردان وتىنىشتەر تۇسكەن جوق. سايلاۋ كوميسسيالارى تاراپىنان قاجەتتى ۇيىمداستىرۋشىلىق ءىس-شارالار سايلاۋ زاڭناماسىنا سايكەس جۇرگىزىلدى.
ءاليسۇلتان قۇلانباي,
«ەگەمەن قازاقستان»
