ەندى فابريكا باسشىلارى تاياۋدا ەۋروپاداعى ارىپتەستىك بايلانىستى نىعايتىپ, تەكستيل ونىمدەرىن قىتاي نارىعىنا شىعارۋدى جوسپارلاپ وتىر. بۇگىنگى تاڭدا فابريكا ونىمدەرى قىرعىزستان, تاجىكستان, ءازىربايجان, رەسەي, ۇلىبريتانيا, گەرمانيا جانە فرانتسياعا ەكسپورتتالادى. ءىرى شەتەلدىك تاپسىرىس بەرۋشىلەر سانى 20-دان استام.
كاسىپورىندا كىلەم, كىلەم ونىمدەرى توقىلادى, پوليپروپيلەن جىپتەرى شىعارىلادى. كىلەم وندىرىسىنە قاجەت شيكىزات رەسەي, تۇركيا, بانگلادەش, ءۇندىستان جانە تاعى باسقا الىس شەتەلدەردەن تىكەلەي جەتكىزىلەدى. ال كىلەمنىڭ ءوزى مۇندا بەلگيانىڭ جوعارعى تەحنولوگيالى Michel Van De Wiele جابدىعىندا توقىلادى.
بۇگىنگى تاڭدا كىلەم جانە كىلەم ونىمدەرىن شىعارۋ ءوندىرىسىنىڭ قۋاتتىلىعى جىلىنا 5 ملن شارشى مەتر ءونىمدى قۇرايدى. كاسىپورىندا كىلەمنىڭ ەكى مىڭعا جۋىق بىرەگەي ءتۇرى شىعارىلادى. ولاردىڭ اراسىندا كلاسسيكالىق سۋرەت, ءداستۇرلى ورنەكپەن توقىلعاندارى دا, ديزاينىندا مودەرن ەلەمەنتتەرى بار, سونداي-اق, زاماناۋي حاي-تەك جانە اۆانگارد ستيلدە توقىلاتىن كىلەمدەر دە بار.
ال پوليپروپيلەن ءجىبىن ءيىرۋدىڭ قۋاتتىلىعى – جىلىنا 4000 توننا. قازىر كاسىپورىندا 236 ادام جۇمىس ىستەيدى.
