دزيۋدودان قىزدار اراسىندا قازاقستان نامىسىن قورعاپ كەلە جاتقان وتگونتسەتسەگ گالبادراح جازعى ۋنيۆەرسيادا ويىندارىنىڭ قولا جۇلدەسىن جەڭىپ الدى.
48 كەلى سالماقتاعى ارۋىمىز 1/8 فينالدا جاپون قىزى ۋمەكيتا مايدان جەڭىلىپ قالعان ەدى. بۇدان كەيىن ءبىرىنشى جۇبانىش بەلدەسۋىندە گالبادراح اۆستريالىق مارا كرافتان ايلاسىن اسىردى. ەكىنشى بەلدەسۋىندە ول فرانتسۋز دزيۋدوشىسى دجەسسيكا مارين ءانريدى ۇتىپ, ءۇشىنشى بەلبەسۋىندە پولشالىق يواننا ستانكەۆيچتى جەڭدى. ال قولا جۇلدە ءۇشىن وتكەن كەزدەسۋدە ماريا پەرسيدسكايادان باسىم ءتۇسىپ, قازاقستان قورجىنىن تاعى ءبىر جۇلدەمەن تولىقتىردى.
