«Kaspi Bank 22 تامىز كۇنى تالعار قالاسىنداعى بولىمشەگە قاراقشىلىق شابۋىل جاساۋعا قاتىسى بار قىلمىسكەرلەردى ۇستاۋعا كومەكتەسەتىن ماڭىزدى اقپارات ۇسىنعاندارعا 5 ميلليون تەڭگە سىياقى بەرەدى», دەپ جازىلعان حابارلامادا.
ايتا كەتەيىك, كەشە Kaspi bank-ءتىڭ الماتى وبلىسىنىڭ تالعار قالاسىندا ورنالاسقان بولىمشەسىنە قاراقشىلىق شابۋىل جاسالدى. بەينەباقىلاۋ كامەراسىنان الىنعان كادردا بەتىنە بەتپەردە كيگەن ەكى ادامنىڭ عيماراتتىڭ توبەسىنەن تۇسكەنى كورىنەدى. ولاردىڭ ءبىرى بانك قىزمەتكەرلەرىن بايلاپ, ەكىنشىسى كاسساداعى اقشانى سومكەگە سالا باستايدى. قاراقشىلاردىڭ قانشا اقشا الىپ كەتكەنى ازىرگە بەلگىسىز.
بانكتىڭ ءباسپاسوز قىزمەتى ءمالىم ەتكەندەي, قاراقشىلىق شابۋىل كەزىندە عيماراتتا بانك كليەنتتەرى بولماعان. بانك قىزمەتكەرلەرى زارداپ شەككەن جوق.
«ولار دەرەۋ دابىل تەتىگىن باسىپ, ءتارتىپ ساقشىلارىنا حابار بەرگەن. قازىر وقيعا ورنىندا پوليتسەيلەر جۇمىس ىستەپ جاتىر. بانكتىڭ قاۋىپسىزدىك قىزمەتى قىلمىسكەرلەردى انىقتاۋ ءۇشىن بارلىق اقپاراتتى بەرىپ, ءتارتىپ ساقشىلارىمەن بەلسەندى جۇمىس ىستەۋدە. ناقتى قانشا قارجى تونالعانى انىقتالۋدا», دەلىنگەن Kaspi ءbankى ءباسپاسوز قىزمەتىنىڭ تاراتقان مالىمدەمەسىندە.
