ۇلت اقىنى, مەملەكەتتىك سىيلىقتىڭ لاۋرەاتى – ۇلىقبەك ەسداۋلەتتىڭ دراماتۋرگيا باعىتىنداعى العاشقى «زەرە» پەساسى – قاللەكي تەاترىنىڭ اكتريساسى, قازاقستاننىڭ حالىق ءارتيسى – گۇلجان اسپەتوۆانىڭ ساحناداعى 50 جىلدىق شىعارماشىلىعىنا وراي اكتريسانىڭ تابيعي تالانتى مەن ەرەكشە بولمىسىنا ارنايى جازىلعان تۋىندى. قازاق تەاترىنىڭ كيەلى ساحناسىنا 1967 جىلى العاش قاراگوز بولىپ قادام اتتاعان اكتريسا بۇگىن 70 جىلدىق مەرەيتويىندا العاشقى زەرە انا وبرازىنا جولىن اشىپ, عۇمىر سىيلاماق.
دەرەككوزدىڭ حابارلاۋىنشا, دراما كەمەڭگەر جازۋشى مۇحتار اۋەزوۆتىڭ «اباي جولى» اتتى رومان-ەپوپەياسىنان بەك تانىس كلاسسيكالىق كەيىپكەرلەردى كورەرمەن قاۋىممەن قايتا جۇزدەستىرەدى. الىپ – انادان تۋادى. ابايدىڭ اكەسى قۇنانبايدىڭ اعاسۇلتان بولماس بۇرىن, جاس شاعىندا دانا, مەيىربان اناسى زەرەدەن العان ءتالىم-تاربيەسى تەكتىلىكتىڭ نىشانىنا اينالادى. زەرە – وتباسى, وشاق قاسىنداعى وكتەم بايبىشە عانا ەمەس, ەلىنىڭ مۇڭ-مۇقتاجىن, قايعى-قاسىرەتىن كورە بىلەتىن دانا, مەيىربان انا. قويىلىم رەجيسسەرى – قر ەڭبەك سىڭىرگەن قايراتكەرى نۇرقانات جاقىپباي. قويۋشى سۋرەتشىسى – بەرىك بۋرباەۆ.
