اتالعان زاڭعا سايكەس پروكۋراتۋرا ورگاندارىنىڭ قۇزىرەتىنە جانە وتىنىشتەردى قاراۋ تارتىبىنە وزگەرىستەر ەنگىزىلدى. ەندى جاڭادان اشىلعان ورتالىقتا پروكۋرورلار سوتقا دەيىنگى قىلمىستىق پروتسەستىڭ, اتقارۋشىلىق ءوندىرىستىڭ زاڭدىلىعىن, قىلمىستىق جانە ازاماتتىق ىستەر بويىنشا سوت اكتىلەرىنىڭ زاڭدىلىعىن قاداعالاۋ سالالارى بويىنشا قابىلداۋ جۇرگىزەدى. زاماناۋي ينفراقۇرىلىممەن جابدىقتالعان عيماراتتا ۇجىمدىق ءوتىنىش يەلەرىن قابىلداۋعا ارنالعان 30 كۇتۋ ورنى بار. وندا قاداعالاۋ ورگانى وكىلدەرى ازاماتتاردى قابىلداپ, پروكۋراتۋرا ورگاندارىنىڭ وكىلەتتىلىگى شەڭبەرىندەگى قۇقىقتىق ماسەلەلەر بويىنشا كەڭەس بەرەدى. پروكۋراتۋرا باسشىلارىنىڭ جەكە قابىلداۋىنا دا جازىلۋعا بولادى.
سونداي-اق ازاماتتاردىڭ وزدەرىنىڭ بۇرىن جازعان وتىنىشتەرىنىڭ قارالۋ بارىسى تۋرالى اقپارات پەن جاۋاپ كوشىرمەلەرىن الۋعا مۇمكىندىكتەرى بار. ياعني, ورتالىقتا وبلىس تۇرعىندارى قولدانىستاعى زاڭ تالاپتارىن ءتۇسىندىرۋ بويىنشا كاسىبي زاڭنامالىق كومەك الا الادى.
سونىمەن بىرگە, وبلىس اكىمىنىڭ قولداۋىمەن اعىمداعى جىلى پروكۋراتۋرا عيماراتىندا «قۇقىق قورعاۋ قىزمەتتەر ورتالىعى» قۇرىلۋدا. بۇل قۇقىق قورعاۋ جانە زاڭدىلىقتى قامتاماسىز ەتەتىن قۇقىق قورعاۋ ورگاندارىنىڭ وكىلدەرىنىڭ قاتىسۋىمەن وتىنىشتەردى قاراۋدىڭ جۇيەلى ءتاسىلىن قامتاماسىز ەتەدى دەپ كۇتىلۋدە. زاڭدى جانە الەۋمەتتىك-اقتاۋ قىزمەتىن ءبىر جەردە كورسەتۋ ارقىلى جۇزەگە اسىرىلاتىن بولادى. الەۋمەتتىك شەكتەۋلى تۇرعىندارعا نوتاريۋس, قورعاۋشى, پسيحولوگ جانە مەدياتورلار تەگىن زاڭدى كومەك كورسەتەدى.
