قابىلداۋعا «نۇر وتان» پارتياسى سارىسۋ اۋداندىق فيليالى توراعاسىنىڭ ورىنباسارى قۋانىش قۇلبەكوۆ, جاڭاتاس قالاسى اكىمى اپپاراتىنىڭ ءبولىم باسشىسى رۋسلان قوزباعاروۆ جانە ت.ب. قاتىستى.
حالىق قالاۋلىسى م.سارسەنوۆ قازاقتىڭ «قول جۇمىلماي – جىلىنبايدى» دەگەن دانالىق ءسوزىن ءبىر ءسات تە ەستەن شىعارماي, وزىنە سەنىم ارتقان سارىسۋلىقتارعا قولىنان كەلگەنشە كومەك بەرىپ كەلەدى.
حالىق قالاۋلىسى م.سارسەنوۆ قوعامدىق قابىلداۋعا قاتىسقان كىسىلەردىڭ ءوتىنىش-ارىزدارىن بايىپپەن تىڭداپ, جاستارعا اقىل-كەڭەستەرىن, جىلى سوزدەرىمەن قاتار ماماندىقتىڭ جاماندىعى جوق ەكەنىن, كەز كەلگەن ماماندىق بويىنشا جۇمىس ىستەي بەرۋگە شاقىردى.
قوعامدىق قابىلداۋعا كەلگەن زەينەتكەر, ەكىنشى توپ مۇگەدەگى ارداگەر بەكماعانبەتوۆ «كوكتال» ساۋىقتىرۋ ورتالىعىنا ەمدەلۋگە كومەك سۇراي كەلگەنىن ايتقان سوڭ, وبلىستىق ءماسليحات دەپۋتاتى م.سارسەنوۆ ەلۋ پايىزدىق جەڭىلدىك بەرىلەتىنىن جەتكىزدى. ءوتىنىشىنىڭ ورىندالعانىنا ريزا بولعان قاريا حالىق قالاۋلىسى م.سارسەنوۆكە ريزالىق العىسىن ءبىلدىردى. سونداي-اق, قابىلداۋدا بولعان سىمبات ماقاش, ءاليا قۇتتىباەۆا, ۆەرا ياسۆيلكو, سەرىك بەيسەنباەۆ, باعدات قاسىمبەكوۆ, ورازبەك مۇسابەكوۆ, ارايلىم نۇعىمانوۆا, دينارا بەكماعامبەتوۆا جۇمىسقا ورنالاسۋعا جانە پاتەر الۋعا كومەك كورسەتۋىن سۇراپ, تىلەك-وتىنىشتەرىن ءبىلدىردى.
م.سارسەنوۆ قابىلداۋدا بولعان بيىل عانا قىزىل ديپلوممەن ءبىتىرىپ كەلگەن جانە بۇرىن كومبيناتتا جۇمىس ىستەپ, كەيىن باسقا جۇمىسقا اۋىسىپ, قايتىپ كەلگەن ازاماتتاردى جانە ديپلومدارى كومبيناتتا جۇمىس ىستەۋگە ساي كەلەتىن جاستاردى جۇمىسقا قابىلداۋعا كومەك بەرەتىنىن جەتكىزدى. ال ديپلومى جوق جاستاردىڭ ءبىلىمىن جەتىلدىرىپ, جۇمىسپەن قامتۋ ورتالىعىنا تىركەلىپ, سول ارقىلى جۇمىسقا ورنالاسۋعا بولاتىنىن دا ءتۇسىندىردى. قابىلداۋدا بولعان نەسىبەلى توققۇليەۆا بالاسىن جۇمىسقا ورنالاستىرۋعا كومەك بەرۋىن سۇراسا, «ساۋداكەنت» ەلدى مەكەنىنەن كەلگەن باقىت تۋلباەۆ تا ءوزىنىڭ جۇمىسقا ورنالاسقىسى كەلەتىندىگىن جەتكىزدى. قالامقاس نۇرجانوۆا دا ءوزىنىڭ جانە كۇيەۋىنىڭ جۇمىسسىز وتىرعانىن ايتتى. سونداي-اق, كۇيەۋىنىڭ جۇمىسقا جارامسىز, مۇگەدەكتىگىن دە جەتكىزدى.
جالپى, مۇراتقالي سارسەنوۆ قوعامدىق قابىلداۋدا بولعان ون ەكى كىسىنىڭ بارلىعىنىڭ ارىز-شاعىمدارىن مۇقيات تىڭداپ, ءتيىستى شارالار قابىلداي وتىرىپ, قوعامدىق قابىلداۋدا بولعان كىسىلەردىڭ ارىز-وتىنىشتەرى الداعى ۋاقىتتا وڭ شەشىمىن تاباتىنىن ايتتى.
قۇدايبەرگەن مامبەتوۆ,
جامبىل وبلىسى,
جاڭاتاس قالاسى
